ᑯᐯᒃ ᑲᕙᒪᖓ ᓄᐃᑦᓯᓯᔪᖅ ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔪᒥᒃ ᑭᐅᑦᓴᐅᑎᒋᓂᕐᓴᐅᖃᑦᑕᓂᐊᕐᓂᒧᑦ ᐅᐃᒪᕐᑑᓱᑎᒃ ᐅᖄᓚᒍᑏᑦ ᓄᓇᕕᒻᒥ
ᑯᐯᒃ, ᒫᔾᔨ 9, 2023 - ᑐᕐᖃᑕᕐᕕᒃ ᐱᔭᑦᓴᓕᒃ ᐃᓚᒌᒍᓯᐅᔪᓂᒃ ᓄᓇᓕᑐᖃᕐᓴᔦᑦ ᐃᓄᐃᓪᓗ, ᐃᐊᓐ ᓚᕕᕆᓂᐊᕐ, ᐊᖓᔪᕐᖄᖓ ᑲᑎᕕᒃ ᓄᓇᓕᓕᒫᑉ ᑲᕙᒪᖓᑕ, ᕿᐊᓪᑕ ᓯᓅᐹ, ᓯᕗᓕᕐᑎᖓᓗ ᓄᓇᓕᐸᐅᔭᖓᑕ ᓭᓐᑐᔅᑖᔅ, ᐱᐊ ᓵᕉ, ᑐᓴᕐᑕᐅᑎᑦᓯᓚᐅᕐᖁᑦ ᑲᔪᓯᓕᕐᑎᑕᐅᓂᐊᕐᑎᓗᒍ ᐊᕐᕌᒍᓕᒫᒨᓕᖓᑎᓪᓗᒍ ᐆᑦᑐᕋᐅᑎᐅᑦᓱᓂ ᐱᓇᓱᐊᕐᓂᐅᓚᖓᔪᖅ ᐅᖄᓚᕕᐅᒍᓐᓇᖃᑦᑕᓂᐊᕐᓗᓂ ᐅᐃᒪᓇᕐᑐᐃᑦ ᐅᖄᓚᒍᑏᑦ ᑖᒃᑯᓇᓂ ᓯᑕᒪᓂᒃ ᓄᓇᓖᑦ ᑲᕙᒫᐱᖏᓐᓂᒃ: ᐆᒥᐅᔭᒃ, ᑰᔾᔪᐊᕌᐱᒃ, ᐃᓄᒃᔪᐊᒃ, ᐳᕕᓐᓂᑐᓗ.
ᑲᔪᓯᑎᑕᐅᓂᖓ ᑖᑦᓱᒪᐅᑉ ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔫᑉ, ᑲᔪᓯᑎᑕᐅᑦᓱᓂ ᑐᕐᖃᑕᕐᕕᖓᑕ ᐃᓕᒪᓇᕐᑐᒦᑦᑎᓯᑦᑌᓕᕕᐅᑉ, ᑲᑎᕕᒃ ᓄᓇᓕᓕᒫᑉ ᑲᕙᒪᖓ, ᓄᓇᓕᐸᐅᔭᖓᓗ ᓭᓐᑐᔅᑖᔅ, ᐱᕕᖃᕐᑎᓯᓚᖓᔪᑦ ᑖᒃᑯᓂᖓ ᓯᑕᒪᓂᒃ ᓯᕗᓂᕆᔭᐅᔪᓂᒃ ᓄᓇᓕᓐᓂᒃ ᓱᑲᑦᑐᑯᑦ ᐱᕕᖃᕐᑎᑕᐅᓂᐊᕐᓱᑎᒃ ᐱᒍᔾᔨᒍᑎᑦᓯᐊᖑᔪᒥᒃ ᐃᓂᓪᓚᓯᒪᔪᒧᑦ 9-1-1 ᐅᐃᒪᓇᕐᑐᓯᐅᑎᖃᐅᑎᐅᓗᓂ ᒪᓕᓪᓗᓂ ᒪᓕᒐᐅᒌᕐᑐᓂᒃ.
ᑖᓐᓇ ᐱᔾᔪᔨᕕᒃ, ᑕᕝᕙᖓᑦ ᐃᓂᕐᕋᑎᑕᐅᓚᖓᑦᓱᓂ 9-1-1 ᐅᐃᒪᓇᕐᑐᓯᐅᑎᖃᐅᑎᐅᔪᒥᒃ ᓭᓐᑐᔅᑖᔅᒥᒃ, ᐱᕕᖃᕐᑎᑕᐅᓚᐅᕐᑐᖅ ᓇᑯᕐᒦᒃ ᐃᓕᐅᕐᖃᑕᐅᓂᕆᓚᐅᕐᑕᖏᑦ ᖃᕆᑕᐅᔦᑦ ᐊᒃᓱᓈᖁᑎᐊᓗᖏᑦ ᐱᑐᐃᓚᖓᓗᑎᒃ ᓯᑕᒪᓂᒃ ᑕᕐᕋᒥ ᓄᓇᓕᓐᓂᒃ. ᐸᕐᓀᑕᐅᒪᔪᖅ ᐃᓗᓐᓇᑎᒃ ᓄᓇᓕᓕᒫᑦ ᐱᒍᔾᔭᐅᒍᓐᓇᓯᕙᓪᓕᐊᓚᖓᑎᓪᓗᒋᑦ ᑕᒪᑦᓱᒧᖓᑦᓭᓇᖅ ᑐᓴᕈᑎᖃᒍᑎᐅᔪᒧᑦ ᐃᓗᓐᓈᒍᑦ. ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔪᖅ ᐱᕕᑦᓴᖃᕐᑎᓯᓚᖓᒻᒥᔪᖅ ᑭᓯᑕᒪᒍᓯᓂᒃ ᐅᖄᓚᖃᖃᑦᑕᑐᕕᓂᕐᓂᒃ ᐳᓖᓰᓪᓗ ᖃᓄᐃᓕᒍᑎᒋᓯᒪᔭᖏᓐᓂᒃ ᖃᒥᑎᕆᔩᑦ ᓄᓇᓕᖏᓐᓂᒃ ᑕᒪᑦᓱᒧᖓ.
ᐅᖃᕐᑕᐅᔪᑦ:
“ᑲᕙᒪᕗᑦ ᐱᓇᓱᐊᕐᑐᒪᕆᐅᕗᑦ ᐱᕙᓪᓕᐅᒥᒍᑎᑦᓴᓂᒃ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓐᓂᒃ ᐃᓄᖏᑦᑕ ᓄᓇᕕᐅᑉ, ᖁᕕᐊᓱᑉᐳᒍᑦ ᓯᕗᒧᐊᕆᒍᓐᓇᕆᐊᒥᒃ, ᐃᓚᖃᕐᓱᑕ ᐱᓇᓱᐊᖃᑎᒋᔭᑦᑎᓂᒃ, ᑖᑦᓱᒥᖓ ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔫᑉ ᐃᑭᓕᐅᒥᑎᑦᓯᓚᖓᔪᒥᒃ ᑭᐅᔭᐅᓂᕆᐊᖃᓲᖏᓐᓂᒃ ᐃᑲᔪᕐᓯᔭᐅᒍᒪᔪᓂᒃ ᐱᕙᓪᓕᐅᒥᒍᑎᒋᓗᒋᓪᓗ ᑭᐅᔭᐅᓂᐅᓲᑦ ᑯᐯᒃ ᑕᕐᕋᖓᓂ. ᖃᐅᔨᒪᓂᓪᓚᕆᖓ ᑐᕐᖃᑕᕐᕕᖓᑕ ᐃᓕᒪᓇᕐᑐᒦᑦᑎᓯᑌᓕᔨᐅᑉ ᐅᐃᓚᓇᕐᑐᐃᑦ ᑐᓴᕈᑎᖏᓐᓅᓕᖓᔪᕐᑎᒍᑦ, ᐃᓚᖃᕐᓱᓂ ᐃᓕᑕᕆᔭᐅᓂᓕᒻᒥᒃ ᐅᐃᒪᓇᕐᑐᓯᐅᑎᖃᐅᑎᒃ 9-1-1 ᓭᓐᑐᔅᑖᔅ, ᐱᕕᖃᕐᑎᓯᕗᖅ ᐋᕐᕿᒍᑎᑦᓯᐊᒪᕆᐅᓂᐊᕐᑐᒥᒃ ᓱᓕᓪᓚᕆᑦᑐᑎᒍᑦ. ᑲᑦᓱᙰᑦᑐᓯᐊᖑᕗᖓ ᑕᒪᓐᓇ ᑲᔪᓯᓂᐅᓚᖓᔪᖅ ᐱᕙᓪᓕᐅᒦᓚᖓᒻᒪᑦ ᑐᑭᒧᐊᕐᑎᑕᐅᓂᕆᓲᖓᓂᒃ ᐱᓇᓱᐊᕐᑕᐅᒋᐊᓖᑦ ᐅᐃᒪᓇᕐᑐᒦᑦᑐᖃᓕᕐᒪᑦ.”
ᕗᕌᓐᓱᐊ ᐹᓐᓇᕐᑎᐊᓪ, ᑐᕐᖃᑕᕐᕕᒃ ᐃᓕᒪᓇᕐᑐᒦᑦᑎᓯᑦᑌᓕᕕᐅᑉ ᑐᕐᖃᑕᕐᕕᐅᓱᓂᓗ ᑲᒪᒋᔭᖃᕐᓱᓂ ᓄᓇᖓᑕ ᐃᐊᔅᑐᕆ
“ᑖᓐᓇ ᑐᓴᕐᑎᓯᐅᑎᒃ ᑲᔪᓯᓂᐊᕐᑎᓗᒍ ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔫᑉ ᑐᓴᕋᑦᓴᓯᐊᒻᒪᕆᒃ. ᐱᕕᖃᕐᑎᓯᑦᓯᐊᓚᖓᒻᒪᑦ ᑲᔪᓯᔪᒥᒃ ᐅᐃᒪᓇᕐᑐᐃᑦ ᐅᖄᓚᒍᑏᑦ ᐱᔾᔪᔨᕕᖃᕐᓂᐊᑎᓪᓗᒋᑦ ᐅᖓᓯᑦᑐᒦᑦᑐᑦ ᓄᓇᓖᑦ. ᓇᑯᕐᒦᒍᒪᕗᖓ ᐃᓚᒋᖃᑦᑕᓚᐅᕐᑕᑎᓐᓂᒃ ᑐᕐᖃᑕᕐᕕᒃ ᐃᓕᒪᓇᕐᑐᒦᑦᑎᓯᑦᑌᓕᐅᕕᐅᑉ, ᑲᑎᕕᒃ ᓄᓇᓕᓕᒫᑉ ᑲᕙᒪᖓ, ᓄᓇᓕᐸᐅᔭᖓᓗ ᓭᓐᑐᔅᑖᔅ ᐱᓇᓱᐊᕐᓂᕆᓚᐅᕐᑕᖏᓐᓄᑦ. ᐃᓚᒋᐊᕐᓗᒍ ᐱᕙᓪᓕᐅᒥᓚᖓᑎᓪᓗᒋᑦ ᐱᔾᔪᔨᒍᑏᑦ ᐃᓄᖏᑦᑕ ᓄᓇᕕᐅᑉ, ᑕᒪᓐᓇ ᑲᔪᓯᑎᑦᓯᓂᐅᔪᖅ ᑮᓇᐅᔭᕐᑐᖏᓐᓂᓴᓪᓚᕆᐅᓚᖓᔪᖅ.”
ᐃᐊᓐ ᓚᕕᕆᓂᐊᕐ, ᑐᕐᖃᑕᕐᕕᒃ ᐱᔭᑦᓴᓕᒃ ᐃᓚᒌᒍᓯᐅᔪᓂᒃ ᓄᓇᓕᑐᖃᕐᓴᔦᑦ ᐃᓄᐃᓪᓗ
“ᒫᓐᓇᐅᔪᖅ, ᑲᔪᓯᑦᓯᐊᓲᖑᖕᖏᑐᖅ ᐃᓚᖓᓂᒃ ᓄᓇᕕᒻᒥ ᐅᐃᒪᓇᕐᑐᐃᑦ ᐅᖄᓚᐅᓯᐅᔪᐃᑦ ᑭᐅᔭᓲᖑᖕᖏᑐᐃᑦ ᐱᔾᔪᑕᐅᑎᓪᓗᒋᑦ ᐅᖄᓚᐅᑏᑦ ᐊᕐᖁᑎᖃᑦᓯᐊᖏᓐᓂᑯᖏᓐᓄᑦ ᐅᕝᕙᓗᓘᓐᓃᑦ ᐱᔾᔪᔭᐅᕕᖃᖕᖏᓂᑯᖓᓄᑦ ᐱᔾᔪᑎᒋᓗᒍ ᓯᖁᒥᓯᒪᓂᑯᖏᓐᓄᑦ ᐅᖄᓚᐅᑏᑦ ᑐᓴᕈᑎᖃᕐᓂᒨᓕᖓᔪᑦ. ᓭᓐᑐᔅᑖᔅ ᑕᒪᒋᓐᓂᒃ ᓱᕐᖁᐃᓯᐊᕐᑐᒥᒃ ᒫᓐᓇᓂᑕᐅᓂᕐᐹᓂᒃ ᖃᐅᔨᒪᑦᓯᐊᑐᕐᑕᖃᕐᓱᑎᓪᓗ ᑭᐅᑲᐱᒍᓐᓇᑐᓂᒃ ᐱᑦᓯᐊᓗᑎᒃ ᐅᐃᒪᓇᕐᑐᓂᒃ ᐅᖄᓚᒍᑕᐅᔪᓂᒃ, ᓄᐃᑦᓯᓂᖅ ᑖᑦᓱᒥᖓ ᐃᑲᔪᕐᓯᓚᕆᓚᖓᔪᖅ ᐱᔾᔪᔭᐅᑦᓯᐊᓂᐅᖃᑦᑕᓚᐅᖕᖏᑐᓂᒃ ᓄᓇᓕᓐᓂ, ᐱᕕᖃᕐᑎᓯᓯᐊᖁᓇᕐᓱᓂᓗ ᐋᕐᕿᒍᑎᓴᒋᐊᓪᓚᓂᒃ ᐱᕙᓪᓖᓛᕐᑐᓂᒃ ᓄᓇᕕᓕᒫᒥ.”
ᐱᐊ ᓵᕉ, ᓯᕗᓕᕐᑎᒃ ᓭᓐᑐᔅᑖᔅ
ᖃᐅᔨᒪᔭᐅᒋᐊᓖᑦ:
- ᐊᒥᓱᐃᖑᓂᑯᖏᓐᓄᑦ ᐃᓂᓪᓓᓂᕐᒧᑦ ᐃᓱᐃᓗᑌᑦ ᐃᓕᖓᔪᑦ ᐅᖓᓯᑦᑐᒦᓂᒧᑦ, ᐅᑦᑑᑎᒋᓗᒋᑦ ᐱᓇᓱᑦᑎᑖᕐᓂᒧᑦ ᐊᑭᑐᔪᑲᓪᓚᐅᓂᖏᓐᓄᓗ ᐱᓪᓗᑯᒋᐊᓕᑎᒍᑦ ᐱᐅᒡᒍᑏᑦ ᐊᐅᓪᓚᑎᑕᐅᒋᐊᖃᕐᓂᑯᖏᓐᓄᓗ ᓄᓇᕕᒻᒧᑦ, ᑲᑎᕕᒃ ᓄᓇᓕᓕᒫᑉ ᑲᕙᒪᖓ ᐅᑉᐱᕆᔭᓕᒃ ᐊᕗᖓᐅᓕᔪᒥᒃ ᐱᓇᓱᐊᖃᑎᖃᕐᓂᐊᕆᐊᒥᒃ 9-1-1 ᐅᐃᒪᓇᕐᑐᓯᐅᑎᓕᕆᕕᖓᓂᒃ ᓭᓐᑐᔅᑖᔅᒥ ᐃᓱᐊᕐᓂᐸᐅᒐᔭᕆᐊᖓ ᐋᕐᕿᓯᒪᒍᑕᐅᓗᓂ ᑕᒪᑦᓱᒥᖓ ᑲᒪᒋᔭᖃᕐᓂᒥᒃ ᐅᐃᒪᓇᕐᑑᑐᐃᓐᓇᕆᐊᖃᕐᓱᑎᒃ ᐅᖄᓚᐅᓯᐅᔪᓂᒃ ᑖᒃᑯᓇᖕᖓᑦ ᓄᓇᓕᓐᓂᒃ 14-ᓂᒃ.
- ᐆᑦᑐᕋᐅᑎᐅᓗᓂ ᐱᓇᓱᐊᕐᓂᐅᓚᖓᔪᖅ ᑮᓇᐅᔭᖃᕐᑎᑕᐅᔪᖅ ᐃᒣᓪᓗᐊᑐᓂᒃ $900,000 ᐅᑎᕐᑐᓴᐅᖕᖏᑐᓂᒃ ᐅᕙᖕᖓ ᑲᕙᒪᒃᑯᓂ ᐊᐅᓚᔾᔦᓂᕐᒧᑦ ᐸᕐᓀᓂᕐᒧᑦ ᐃᓄᓕᕆᓃᑦ ᐃᓗᕐᕈᓯᑎᒍᓪᓗ ᖃᓄᐃᖕᖏᓯᐊᕐᓂᒧᑦ ᓄᓇᓕᑐᖃᑦᓴᔦᑦ 2022-2027 ᐊᓪᓚᕕᖃᕐᕕᖓᓂ ᐃᓚᒌᒍᑎᐅᔫᑉ ᓄᓇᓕᑐᖃᑦᓴᔭᓂᒃ ᐃᓄᓐᓂᓗ.
- ᖃᕆᑕᐅᔦᑦ ᐊᒃᓱᓈᑯᑖᖁᑎᖓᑕ ᑐᓴᕈᑎᖃᕐᓂᒧᑦ ᐃᓱᐃᓪᓕᐸᑕ ᐱᔾᔪᑎᖃᕐᓗᓂ ᐱᐅᒡᒍᑏᑦ ᓱᒃᑯᓂᑯᖏᓐᓄᑦ, ᐅᐃᒪᓇᕐᓗᑎᒃ ᐅᖄᓚᐅᒍᑏᑦ ᓄᑕᐅᖕᖏᑑᖃᑦᑕᓯᒪᔪᕐᑎᒎᑎᑕᐅᑫᓐᓇᕋᔭᕐᑐᑦ ᐅᖄᓚᐅᑎᑐᖃᕐᑎᒍᑦ.
ᐊᔾᔨᐸᓱᖏᑦ ᖃᐅᔨᒋᐊᕐᕖᑦ:
ᑐᑭᓯᒋᐊᓪᓚᒍᑎᐅᒍᒪᒍᑎᒃ ᐱᓇᓱᐊᕐᕕᑕ ᖃᓄᐃᓘᕐᓂᕆᓲᖏᑦ, ᖃᐅᔨᒋᐊᒍᓐᓇᖁᓯ ᖃᕆᑕᐅᔭᕗᕐᑎᒍᑦ:
www.facebook.com/securitepublique/
instagram.com/securitepubliqueqc
- 30 -
| ᐱᓯᒪᔪᖅ ᕋᒃᓵᓐ ᐳᐊᕐᒃ ᑐᓴᕋᕐᓴᓂᐊᕐᓂᒧᒃ ᐊᓪᓚᑎᒃ ᐊᓪᓚᕕᖓ ᑐᕐᖃᑕᕐᕕᖓᑕ ᐃᓕᒪᓇᕐᑐᒦᑦᑎᓯᑦᑌᓕᓂᕐᒧᑦ 418-999-1326 | ᑐᓴᕋᕐᓴᒃ ᑐᓴᕋᕐᓴᓂᐊᕕᖓ ᑐᕐᖃᑕᕐᕕᖓᑦ ᐃᓕᒪᓇᕐᑐᒦᑦᑎᓯᑦᑌᓕᓂᕐᒧᑦ 418-646-6777, ᓃᓂᕐᓗᒍ 30274 relations.medias@msp.gouv.qc.ca |