ᐋᖓᔮᓐᓇᑐᓂᒃ ᑎᒍᔨᔪᓕᒃ ᑰᔾᔪᐊᒥ

ᔮᓄᐊᕆ 20, 2023-ᖑᑎᓪᓗᒍ, ᖃᐅᔨᓴᕐᑎᑦ ᓄᓇᕕᒻᒥ ᐳᓖᓯᖏᑦᑕ ᐱᔾᔪᔨᕕᖓᓂᒃ ᐱᓯᒪᔪᑦ ᑯᐯᒃᑯᑦ ᐳᓖᓯᒃᑯᖏᓪᓗ ᐱᓇᓱᐊᓚᐅᕐᖁᑦ ᐋᖓᔮᖕᓇᑐᓂᒃ ᑎᒍᔨᑦᓱᑎᒃ ᑰᔾᔪᐊᒥ.  ᐃᓚᒋᔭᐅᒐᒥ ᓄᓇᕕᐅᑉ ᖃᐅᔨᓴᕐᑎᖏᑦᑕ ᐱᓇᓱᐊᕐᑎᖏᓐᓄᑦ, ᖃᐅᔨᓴᕐᑏᑦ ᕿᓂᔭᓚᐅᕐᖁᑦ ᐊᑕᐅᓯᕐᒥᒃ ᐃᓪᓗᕆᔭᐅᔪᒥᒃ.  ᑖᓐᓇ ᐱᓇᓱᐊᕐᓂᖅ ᐊᓱᐃᓛ ᑎᒍᔨᓂᖃᓕᓚᐅᕐᑐᖅ 100-ᓂᒃ ᐅᖁᒣᓐᓂᓕᓐᓂᒃ (grams) ᐊᐳᑎᐅᔮᓗᓐᓂᒃ (cocaine) 10-ᓂᒃ ᐅᖁᒣᓐᓂᓕᓐᓂᒃ (grams) ᓂᓚᐅᔮᓗᓐᓂᓪᓗ (crack). ᐳᓖᓯᒃᑯᑦ ᑎᒍᔨᓚᐅᕆᕗᑦ ᑮᓇᐅᔭᓂᒃ $1200-ᓂᒃ ᑎᒍᒥᐊᒐᕐᓂᓗ ᐅᖄᓚᐅᑎᓂᒃ. ᐸᓯᔭᑦᓴᐅᔪᖅ ᒫᓯᐅ ᐱᐊᕋᓐ, ᖃᖏᕐᓱᐊᓗᔾᔪᐊᒥᐅᕕᓂᖅ ᑰᔾᔪᐊᒥᐅᖑᓕᕐᑐᖅ ᑎᒍᔭᐅᓚᐅᕐᑐᖅ.  ᐱᐊᕋᓐ ᐃᕐᖃᑐᐃᔨᐅᑉ ᓵᖓᓅᓚᐅᕐᑐᖅ ᐅᖄᓚᐅᑎᒃᑯᑦ ᑎᒍᔭᐅᒣᓐᓇᓱᓂᓗ ᑭᖑᓂᐊᒍᑦ.  ᖃᐅᔨᒪᒍᕕᑦ ᑐᓴᕐᑕᐅᒋᐊᓕᓐᓂᒃ ᓂᐅᕐᕈᓯᕐᓂᐅᓲᓂᒃ ᐃᒥᐊᓗᓐᓂᒃ ᐅᕝᕙᓗᓘᓐᓃᑦ ᐋᖓᔭᓐᓇᑐᐃᑦ ᓂᐅᕐᕈᓯᑦᑕᐅᓂᕆᓲᖏᓐᓄᑦ, ᖃᐅᔨᔭᐅᓂᐊᖕᖏᑑᓗᑎᑦ ᐅᖃᐅᓯᖃᕈᓐᓇᖁᑎᑦ ᐅᑯᓄᖓ ᓄᓇᕕᐅᑉ ᐳᓕᓰᑦ ᐱᔾᔪᔨᕕᖓᓄ ᐅᕘᓇ tips@nunavikpolice.ca