ᐋᖓᔮᓐᓇᑐᓂᒃ ᓂᐅᕐᕈᓯᕐᑐᑦ — ᐱᓇᓱᑦᑕᐅᓚᐅᕐᑐᑦ ᓚᓇᐅᑎᐊᒥ ᐊᒻᒪᓗ ᓄᓇᕕᒻᒥ
ᑐᕈᐊ-ᕆᕕᐊ, ᔭᓄᐊᕆ 19, 2023 - ᑯᐯᒃᑯᑦ ᐳᓕᓯᖏᑦᑕ ᐱᔭᐅᒋᐊᖃᖕᖏᑐᓂᒃ ᑭᓪᓕᓯᓂᐊᕈᑎᖃᕐᓂᒥᒃ ᐱᒍᑦᔨᔨᖏᑦ ᐊᒻᒪᓗ ᐃᓚᐅᕐᑐᑎᒌᑦ ᓄᓇᕕᒻᒥ ᑭᓪᓕᓯᓂᐊᕐᑏᑦ, ᐃᓐᓄᓯᒪᔪᑦ ᑭᓪᓕᓯᓂᐊᕐᑎᖏᓐᓂᒃ ᑯᐯᒃᑯᑦ ᐳᓖᓯᖏᑦᑕ ᐊᒻᒪᓗ ᓄᓇᕕᒻᒥ ᐳᓖᓯᒃᑯᑦ, ᐅᓪᓗᒥ ᑲᔪᓯᑎᑦᓯᑫᓐᓇᑐᑦ ᐋᖓᔮᓐᓇᑐᓂᒃ ᓂᐅᕐᕈᓯᕐᑐᓂᒃ ᐱᓐᓂᐊᕈᑎᒥᒃ ᐃᓚᐅᑎᓪᓗᒍ ACCESS-ᑳᓇᐱᔅ ᐱᓂᐊᕈᑎᖓᓄᑦ .
ᐅᓪᓛᖑᑫᓐᓇᑐᖅ, ᐳᓖᓰᑦ ᑎᒍᓯᑫᓐᓇᑐᑦ ᐊᖑᑏᓐᓂᒃ ᒪᕐᕉᓂᒃ ᑰᔾᔪᐊᒥᐅᓐᓂᒃ, ᐅᑭᐅᓖᓐᓂᒃ 29-ᓂᒃ 41-ᓂᓪᓗ ᐃᓛᒃᑯᑦ, ᐱᑦᔪᑎᖃᕐᑎᓗᒍ ᐋᖓᔮᓐᓇᑐᓂᒃ ᓂᐅᕐᕈᓯᕐᓂᒥᒃ ᐊᒻᒪᓗ ᓇᔪᕐᑎᖃᕐᒥᒃ ᓂᐅᕐᕈᑎᑦᓴᓂᒃ. ᓵᑕᐅᒍᑎᖃᕈᓐᓇᑑᒃ ᐊᒥᓱᐃᓂᒃ ᖄᓇᐲᔅ ᐱᖁᔭᖓᑕ ᐊᒻᒪᓗ ᒪᓕᒐᓕᐅᕐᑕᐅᓯᒪᔪᑦ ᐋᓐᓂᐊᓯᐅᑏᑦ ᐊᒻᒪᓗ ᐱᑑᒪᒉᑦ ᐱᖁᔭᖓᑕ ᐊᑖᒍᑦ. ᐊᓂᑎᑕᐅᑫᓐᓇᑑᒃ ᐊᒻᒪᓗ ᓄᐃᓛᕈᓇᐅᑦᓱᑎᒃ ᐃᕐᖃᑐᐃᕕᒻᒥ ᓯᐊᕈᒋᐊᖅ ᐅᓪᓗᒥ ᑭᖑᓪᓕᒥ ᐊᑦᔨᒌᖕᖏᑐᓂᒃ ᓵᑕᐅᒍᑎᖃᕐᓗᑎᑦ.
ᑕᒪᑐᒪ ᐱᓇᓱᑦᑕᐅᓂᖓ ᑐᕌᖓᕗᖅ ᓄᕐᖃᑎᕐᓯᓂᕐᒧᑦ ᐋᖓᔮᓐᓇᑐᓂᒃ ᓂᐅᕐᕈᓯᕐᑎᐅᖃᑎᒌᓂᒃ ᐊᐅᓚᑕᐅᑦᓱᑎᒃ ᑰᔾᔪᐊᑉ ᖃᓂᒋᔭᖏᓐᓂ ᓂᐅᕐᕈᑎᑦᓴᑖᓲᖑᔪᕆᔭᐅᔪᓂᒃ ᓚᓇᐅᑎᐊ ᓄᓇᖓᓂᒃ. ᐊᕙᑎᓪᓗ ᖁᓕᓪᓗ ᒥᑦᓵᓂ ᐳᓖᓰᑦ ᐱᓇᓱᐊᕐᑎᑕᐅᕐᖃᐅᔪᑦ, ᐃᓚᖃᕐᓱᑎᒃ ᕿᒻᒥᓕᒻᒥᒃ ᑯᐯᒃᑯᑦ ᐳᓖᓯᖏᑦᑕ ᐃᓚᖓᓐᓂᒃ. ᑕᒪᓐᓇ ᑭᓪᓕᓯᓂᐊᕈᑕᐅᖏᓐᓇᑐᖅ ᓱᓕ ᐊᒻᒪᓗ ᐊᓯᒋᐊᓪᓚᖏᑦᑕ ᑎᒍᔭᐅᓂᖏᑦ ᐊᒻᒪᓗ ᕿᓂᔭᕐᕕᐅᓂᖏᑦ ᒪᓕᑐᐃᓐᓇᕆᐊᕐᖃᕐᖁᑦ.
ᐅᓪᓗᒥ ᑕᓪᓕᒪᓂᒃ ᕿᓂᕐᕕᐅᔪᖃᑫᓐᓇᑐᖅ ᓭᓐᑦ-ᑳᐳᕆᔨᐊᓪ-ᑎ-ᐳᕌᓐᑕᓐᒥ ᐊᒻᒪᓗ ᑰᔾᔪᐊᒥ. ᑲᒪᕐᖃᐅᔪᑦ ᐱᖓᓱᓂᒃ ᐃᓪᓗᒋᔭᐅᔪᓂᒃ, ᐊᑕᐅᓯᕐᒥᒃ ᑐᖁᓭᔩᑦ ᖃᑭᓴᐅᑎᖓᓂᒃ, ᐊᒻᒪᓗ ᐊᑕᐅᓯᕐᒥᒃ ᑎᒥᐅᑉ ᓄᓇᒃᑰᔫᖓᓂᒃ. ᑕᒪᓐᓇ ᑎᒍᔨᓐᓂᒍᑕᐅᕐᖃᐅᔪᖅ ᒪᑯᓂᖓ:
- 110 ᑯᕌᒻ ᑰᑫᓐ;
- 3 ᐅᖁᒣᓐᓃᑦ ᑳᓇᐱᔅ;
- 300 ᐄᕐᖃᒉᑦ ᒥᐊᑕᒻᕕᐊᑕᒥᓐ;
- 10 ᑯᕌᒻ ᐊᓄᕆᓯᐅᑏᑦ;
- $21,050 ᑮᓇᐅᔭᑐᐃᓐᓀᑦ ᑳᓇᑕᐅᑉ ᑮᓇᐅᔭᖏᑦ;
- ᐃᑉᐱᐊᔪᐃᑦ ᐊᒻᒪᓗ ᐊᐅᓪᓚᑎᑦᓯᒍᑏᑦ ᐃᑦᓯᕖᑦ (ᐴᕐᑐᐃᒍᑏᑦ) ᑰᑫᓐᒥᒃ;
- 1 ᑮᓇᐅᔭᖃᐅᑎᐊᓗᒃ.
ᑌᓐᓇ ACCES ᑳᓇᐱᔅ ᐱᓐᓂᐊᕈᑎᖓ (ᑲᑐᑦᔨᓂᒃᑯᑦ ᐊᐅᓚᑦᔭᓂᖅ ᐊᑭᓂᐊᕐᓗᓂ ᑎᕐᓕᑎᑦᓯᓱᑎᒃ ᒪᑭᑕᐅᑎᓂᒃ), ᑐᑭᒧᐊᑦᑎᓯᔨᖃᕐᓱᓂ ᑐᕐᖃᑕᕐᕕᒥᒃ ᐃᓄᓕᒫᑦ ᓴᑑ,ᒪᐅᑎᖏᓐᓄᑦ, ᑲᕙᒪᒃᑯᓄᑦ ᐱᒋᐊᕐᑎᑕᐅᓯᒪᔪᖅ 2018-ᒥ ᑲᔪᓯᑎᑕᐅᑦᓱᓂ ᐊᑭᓂᐊᕈᑎᒋᑦᓱᒍ ᑳᓇᐱᔅᒥᒃ ᑎᕐᓕᐊᓯᒍᑎᓕᓐᓂᒃ ᑯᐯᓕᒫᒥ ᐃᓘᓐᓇᖏᓐᓂ ᐱᑑᒪᕕᐅᔪᑦ ᑭᖑᓕᕇᑦᑎᑐᖏᓐᓂ, ᐱᒋᐊᕐᓱᒍ ᐱᖁᔦᑦ ᓯᖁᑦᑎᓱᒋᑦ ᐱᕈᕐᑎᓯᓂᕐᒥᒃ ᑎᑭᑦᓱᒍ ᓄᓇᕐᖃᑎᒌᓄᑦ ᑎᕐᓕᒥ ᑎᑭᐅᑦᔨᓂᕐᒧᑦ. ᑕᒪᓐᓇ ᑐᕌᕐᑐᖅ ᑫᓪᓗᐊᕈᑎᖃᕐᓂᒧᑦ ᓱᓕᑦᓯᐊᓂᖓᓂᒃ ᑯᐯᒃᑯᑦ ᑖᒃᓯᓕᕆᓂᖓᑕ, ᐃᑯᓪᓚᑎᑦᓯᓂᕐᒧᓗ ᑳᓇᐱᔅ ᐊᑐᐃᓐᓇᐅᓂᖓᓂᒃ ᐃᓅᓱᑦᑐᓄᑦ, ᐊᒻᒪᓗ ᓴᖑᑎᑦᓯᓂᕐᒧᑦ ᐱᑑᒪᔪᓂᒃ ᐱᖁᔭᓂᒃ ᒪᓕᑦᑐᑐᒧᑦ ᐊᒻᒪᓗ ᐊᑕᓇᖕᖏᑐᒧᑦ ᓂᐅᕕᕐᕕᓴᒧᑦ.
ᑯᐯᒃᑯᑦ ᐳᓖᓯᖏᑦ ᐅᖃᑦᓯᐊᕈᒪᔪᑦ ᓇᐅᑐᐃᓐᓀᑦ ᖃᐅᔨᒪᐅᑎᑦᓭᑦ ᐋᖓᔮᓐᓇᑐᑦ ᑎᕐᓕᑎᑦᓯᒍᑕᐅᑦᓱᑎᒃ ᑎᑭᑎᑕᐅᓂᖓᓂᒃ ᐊᒻᒪᓗ ᓂᐅᕐᕈᑕᐅᓂᖓᓂᒃ ᐅᖃᕐᑕᐅᒍᓐᓇᕆᐊᖏᓐᓂᒃ ᖃᖓᓕᒫᖅ ᐅᖃᕐᑐᑦ ᖃᐅᔨᔭᐅᓂᐅᔭᕈᓐᓀᑎᓪᓗᒋᑦ ᐅᖃᓕᒪᑐᐃᓐᓇᓗᓂ ᐱᓗᑲᓐᓂᒥᒃ ᖃᐅᔨᒪᒍᑎᓂᒃ ᐅᖃᕐᕕᒧᑦ ᐅᕗᖓ 1-800-659-4264.
-30-
ᓈᓛᐅᑎᒃᑰᑎᑦᓯᔨᓂᒃ ᐊᒻᒪᓗ ᑐᓴᕋᑦᓴᓂᐊᕐᑎᓂᒃ ᑲᒪᓂᕐᒥᒃ ᐱᓇᓱᕝᕕᒃ
ᑯᐯᒃᑯᑦ ᐳᓖᓯᖏᑦ
ᒧᐊᕆᓰ—ᓚᓇᐅᑎᐊ ᓄᓇᖓᓂ 819-379-7195