ᐋᖓᔮᓐᓇᑐᓂᒃ ᕿᓂᔦᓐᓂᓂᖅ ᑰᑦᔪᐊᒥ
May 9, 2023
ᒣ 2-ᖑᑎᓪᓗᒍ, ᓄᓇᕕᒻᒥ ᑲᑎᕐᓱᓯᒪᔪᓂᒃ ᖃᐅᔨᓴᕐᑎᖏᑦ ᕿᓂᔦᓐᓂᓂᕐᖁᑦ ᐊᑕᐅᓯᕐᒥᒃ ᐊᖏᕐᕋᕆᔭᐅᔪᒥᒃ ᑰᑦᔪᐊᒥ. ᑖᓐᓇ ᐊᐅᓚᑕᐅᔪᕕᓂᖅ ᖃᐅᔨᓴᕐᑎᖏᓐᓄᑦ ᑯᐯᒃ ᐳᓖᓯᖏᑦᑕ ᓄᓇᕕᐅᓪᓗ ᐳᓖᓯᖏᑦᑕ ᓄᕐᖃᑎᑦᓯᒐᓱᐊᕐᓱᑎᒃ ᓂᐅᕐᕈᑕᐅᓂᖏᓐᓂᒃ ᐋᖓᔮᓐᓇᑐᐃᑦ ᓄᓇᓕᒻᒥ. ᑕᒪᓐᓇ ᐳᓖᓰᑦ ᐊᐅᓚᑕᖓᓂ ᑎᒍᓯᓚᐅᕐᑐᑦ ᒪᕐᕉᓂᒃ ᐊᕐᓈᓂᒃ, ᐃᓚᐅᑎᓪᓗᒍ ᑭᑎ ᑯᐊᑕ, 33-ᓂᒃ ᐅᑭᐅᓕᒃ. ᐱᔭᕇᕐᑕᐅᑐᐊᕐᐸᑦ, ᐊᓪᓚᑕᐅᓯᒪᔪᑦ ᑐᓂᔭᐅᓛᕐᑐᑦ DPCP-ᒧᑦ (ᑐᑭᒧᐊᑦᑎᓯᔨᖓᓄᑦ ᐱᖁᔭᓂᒃ ᓯᖁᒥᑦᓯᓂᕐᓄᑦ ᐱᓂᕐᓗᓂᓕᕆᓂᕐᓂᓗ ᐱᖁᔭᓕᕆᔨᖓᓄᑦ) ᕿᒥᕐᕈᔭᐅᓛᕐᑐᑦ ᑐᑭᑖᕈᑕᐅᓛᕐᒪᑕ ᐱᓂᕐᓗᓂᕐᒧᑦ ᑎᒍᔭᐅᔪᑦᓴᓕᐊᖑᒋᐊᖃᕐᒪᖔᑕ ᐃᕐᖃᑐᐃᕕᒻᒦᒍᑎᐅᒋᐊᖃᕐᒪᖔᑕᓘᓐᓃᑦ.
ᖃᐅᔨᒪᒍᕕᑦ ᐋᖓᔮᓐᓇᑐᐃᑦ ᐃᒥᐊᓗᐃᓪᓘᓃᑦ ᓂᐅᕕᐊᑦᓴᐅᓂᖏᓐᓂᒃ, ᓄᓇᕕᒻᒥ ᐳᓖᓯᖏᑦᑕ ᐱᒍᑦᔨᕕᖓᓄᑦ ᐅᖃᕈᑎᖃᕈᓐᓇᖁᑎᑦ ᑭᓇᐅᒻᒪᖔᕐᐱᑦ ᖃᐅᔨᔭᐅᒍᓐᓀᓗᑎᑦ ᐅᕗᖓ ᖃᕆᑕᐅᔭᑎᒍᑦ ᐊᓪᓚᓗᑎᑦ tips@nunavikpolice.ca.