ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑐᓴᐅᒪᖁᔨᔪ ᓄᑖᒥ ᐳᓖᓯᒃᑯᑦ ᐊᖓᔪᕐᖃᑖᕐᒪᑕ ᓄᓇᕕᒻᒥ ᐱᒍᑦᔨᔩᑦ
ᑰᒃᔪᐊᖅ, ᑯᐯᒃ, ᓅᕕᒻᐱᕆ 28, 2025 — ᓄᓇᓕᓕᒫᑦ ᑲᑎᖕᖓᔨᖏ ᑲᑎᕕᒃᑯ ᑲᕙᒪᖓ (KRG) ᓂᕈᐊᕐᓯᒪᔪ ᑎᒃᑯᐊᓯᑦᑎ ᔮᓐ ᕗᕋᓐᓱᐊ Jeff) ᐲᕐᓇᕐ ᓄᓇᕕᐅᑉ ᐳᓖᓯᖏᑦᑕ ᐱᒍᑦᔨᔨᖏᓐᓄ ᐊᖓᔪᕐᖄᑕᕆᔭᐅᒻᒪᑦ (NPS).
ᑎᒃᑯᐊᑕᐅᔪ ᐳᓖᓰᑦ ᐊᖓᔪᕐᖄᖓ, ᐱᓇᓱᖃᑦᑕᓚᐅᕐᓱᓂ ᖁᓕᐅᖕᖏᒐᕐᑐᓂ ᑕᕐᕿᓂᑦ ᓱᖏᐅᓴᕐᓱᓂ, ᐊᖏᖃᑎᒌᓐᓂᑎᒍ ᑯᐯ ᓯᑎᐅᑉ ᐳᓖᓯᖏᑦᑕ ᐱᒍᑦᔨᔨᖏᑦ (Service de police de la Ville de Québec).
ᐳᓖᓰᑦ ᐊᖓᔪᕐᖃᑖᖃᒻᒥᖓ ᐲᕐᓇᕐ ᐃᓇᖐᔪ ᐱᓇᓱᑦᑎᐅᖃᑦᑕᓚᐅᕐᑐᒥ ᔮᓐ ᐱᐊᕐ ᓚᕉᔅᒥᑦ, ᕿᑲᓛᓕᕐᑐ ᐅᑭᐅᖏ ᓈᒻᒪᓯᒻᒪᑕ ᓄᕐᖃᕈᓯᕐᓂᒧᑦ ᓄᓇᕕᒻᒥ ᐳᓖᓯᓄ ᐱᒍᑦᔨᔨᐅᖃᑎᐅᓯᒪᔪ NPS 2018-ᖑᓚᐅᔪᒻᒪᓂ. ᐊᖓᔪᕐᖄ ᓚᕉᔅ 46-ᓂ ᐊᕐᕌᒍᕐᓂ ᑯᐯᒥ ᓄᓇᕕᒻᒥᓗ ᐳᓖᓯᐅᓯᒪᓕᕐᑐ ᐃᓕᑕᕆᔭᐅᒍᑎᖃᕐᓯᒪᓕᕐᑐ ᐱᒍᑦᔨᓯᐊᖃᑦᑕᓂᕆᓯᒪᔭᒥᓄ.
ᐳᓖᓯᒃᑯ ᐊᖓᔪᕐᖄᒋᓕᕐᑕᖓ ᐲᕐᓈᕐ ᐱᓇᓱᖃᑎᖃᖃᑦᑕᓚᖓᓯᔪ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐳᕐᑐᓂᕐᓴᖏᓐᓂ ᓴᖑᐊᑦᓯᔨᖑᑎᖓᓂᓗ ᑲᑎᕕᒃᑯᑦ. ᐊᓯᑦᔨᑐᒋᐊᓕᓐᓂ ᐳᓖᓰᑦ ᓄᓇᕕᒻᒥ ᐱᒍᑦᔨᔩᑦ ᐱᑦᓯᐊᓕᐅᒥᖁᒧᑦ ᓄᓇᓕᐅᔪᓂ ᓂᕆᐅᒋ.ᖏᓐᓂ ᑐᕌᒐᖃᕐᓂᓴᐅᓂᐊᕐᒪᑕ ᐳᓖᓯᐅᑦᓯᐊᓂᕐᒪᐅᖁᒧ. ᒪᓐᓇᒋᐊᓪᓚᓗ, ᖁᓄᕐᑑᕈᑕᐅᔪᓂ ᖃᖐᓐᓈᖃᑦᑕᓚᖓᖏᑐ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓱᒫᓗᑎᖏᓐᓂ, ᓄᓇᕕᒻᒥᐅᑦ ᐊᑦᑕᓇᕐᑐᒦᑦᑌᓕᓂᕐᒥ ᐱᓇᓱᑦᑎᖁᑎᖏᓐᓂ ᐃᑲᔪᖃᑎᒌᓐᓂᓴᐅᓗᑎ. ᐃᓄᑐᐃᓐᓀ ᐃᓗᕐᖁᓯᑦᓴᔭᖏᓐᓂ ᒥᓯᐊᓚᖓᖏᑐ ᖃᓄᐃᑦᑐᒦᒋᐊᖏᓐᓂ ᓯᕗᓕᕐᑎᒋᔭᐅᔪᓄ ᓄᓇᓕᓐᓂ ᖃᓂᑕᖃᕐᓂᓴᐅᓚᖓᔪ. ᑲᑎᕕ ᓄᓇᓕᓕᒫᑦ ᑲᕙᒪᖓᓄ ᐱᓇᓱᑦᑐᓵᒫᓂ ᕿᓂᖃᑕᐅᖃᑦᑕᓚᖓᔪ KRG ᐳᓖᓰᓗ ᐊᖓᔪᕐᖄᒋᓂᐊᕐᑕᖓᓂ ᐊᑯᓂ ᐊᑕᓚᖓᔪᒥ ᐱᓇᓱᑦᑎᓴᕐᓯᐅᖃᑕᐅᖑᓱᑦᑐ 2026.
ᐅᖃᕐᑐᖅ :
“ᐳᓖᓯᐅᓂ ᐱᔭᕆᐊᑭᑦᑑᖏᒻᒪ ᐊᕐᕌᒍᕐᓂ 30-ᓗᐊᖑᐊᓂ ᐊᑦᓱᕈᕐᓇᓯᐅᒥᕙᓪᓕᐊᓂᕐᓴᐅᓱᓂ ᐃᓂᓪᓚᐸᓪᓕᐊᓂᖓᓂ ᓄᓇᕕᒻᒥ ᐳᓖᓯᒃᑯᑦ ᐱᒍᑦᔨᓂᖓ. ᑲᑎᕕᒃ ᓄᓇᓕᓕᒫᑦ ᑲᑎᖕᖓᔨᖏᓐᓂ ᐱᒍᑦᔨᓱᖓ, ᐳᓖᓯᒃᑯ ᐊᖓᔪᕐᖄᖓ ᔮᓐ ᐱᐊᕐ ᓚᕉᔅ ᓇᑯᕐᒦᑕᕗᑦ ᓯᑕᒪᐅᔪᕐᑐᓂ ᐊᕐᕌᒍᕐᓂ ᑕᑯᓐᓇᓯᒪᓕᕐᑐ ᐊᓯᑦᔨᐸᓪᓕᐊᔪᓂ ᓄᓇᕕᒻᒥ ᐳᓖᓰ ᐱᒍᑦᔨᓂᖏᓐᓂ ᐅᐱᒋᑦᓯᐊᑕᕗ ᓯᕗᓕᕐᓯᒪᓂᖓ.ᔨᐊᕝ ᐲᕐᓇᕐ ᐊᖓᔪᕐᖄᑕᕐᖃᒥᕗᑦ ᑲᑎᖕᖓᔨᐅᓗᑕ ᑐᖕᖓᓱᑦᑎᓯᕗᒍᑦ ᓴᐳᒻᒥᓱᑕᓗ ᐊᔪᐃᓐᓇᓂᕆᓚᖓᔭᕐᓂ ᐊᓯᑦᔨᒋᐊᑦᓯᐊᓂᕐᒥ ᐳᓖᓯᑦᓯᐊᖑᒍᓯᕐᒥ ᓇᐅᑦᓯᑐᕐᓂᓂᑦ ᓄᓇᓕᖁᑎᕗᓐᓂ ᐱᐅᓯᑦᓯᐊᖑᖁᔭᕗᓐᓂ ᐋᕐᕿᒋᐊᕐᓂᑕᖃᒋᐊᖃᕐᒪᑦ,
̶ ᒫᑭ ᐃᒪᕐᓚᒃ, ᐃᑦᓯᕙᐅᖓ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ
ᑲᑎᕕ ᓄᓇᓕᓕᒫᑦ ᑲᕙᒪᖓ ᑐᑭᓯᓇᕐᑐᓂ ᐃᓄᓕᒫᓄᓕᖓᔪᓂ ᐱᒍᑦᔨᔨᐅᓂᕐᒥ ᐃᖏᕐᕋᑎᑦᓯᓲᖑᒻᒪᑦ ᓄᓇᕕᒻᒥᐅᓄᑦ ᔦᒻᔅ ᐯ ᑯᐯ ᑕᕐᕋᖓᓂ ᐊᖏᖃᑎᒌᓐᓂᐅᓯᒪᔪ (1975). KRG ᐊᐅᓚᑕᐅᒻᒪᑦ 17-ᓄᑦ ᑲᑎᒪᔨᖁᑎᒥᓄᑦ ᑲᕙᒫᐱᑦᑎᒍ ᓂᕈᐊᕐᑕᐅᓯᒪᔪᓂ ᓄᓇᓕᐅᔪᓂ 14 ᓄᓇᕕᒻᒥ, ᓂᕈᐊᕐᑕᐅᓯᒪᔪᑦ ᐃᑦᓯᕙᐅᑕ ᑐᖓᓕᖓᓗ, ᓯᕗᓕᕐᑎᖓᓗ ᓇᔅᑳᐱᒥᐅᑦ ᐊᓪᓓᑦ ᑲᕙᐅᕙᐅᑲᒫᔅᒃ.
Media Contact:
KRG: Denis Abbott, APR / KRG Communications / Tel: 514-795-5196 / media@krg.ca