ᐊᖑᑎᒃ ᐊᑦᓱᖏᕐᑐᓯᒪᔪᕕᓂᖅ ᐊᓂᕐᕋᒥᓂᒃ ᑰᑦᔪᐊᒥ
June 28, 2017
ᔫᓂ 22, 2017-ᖑᑎᓪᓗᒍ, 7-ᖑᒐᓚᒻᒥ, ᑲᑎᕕᒃᑯᑦ ᐳᓖᓯᖏᑦ ᑭᐅᔪᕕᓃᖅ ᐅᖃᓕᒪᔪᒥᒃ ᑰᑦᔪᐊᒥ ᖁᑭᐅᓯᔭᕐᑐᖃᕐᓂᕃᑦᓱᓂ ᐊᑦᑕᓇᕐᓂᕋᕐᑕᐅᓱᓂ ᐃᒻᒥᓂᓪᓗ ᐊᑦᓱᖏᕐᑐᓱᓂ ᐊᓂᕐᕋᐅᔪᒥᒃ.
ᐳᓖᓯᒃᑯᑦ ᐅᐸᑦᑐᐃᔪᕕᓃᑦ, ᓱᖅᑯᐃᑕᐅᑦᓱᓂᓗ ᐊᖑᑎᒃ ᐃᒻᒥᓂᒃ ᐊᑦᑕᓇᕐᑐᒦᑦᑎᒋᐊᖓᓂᒃ. ᐊᑦᑕᓇᕐᑐᒦᑦᑎᓯᑦᑌᓕᓯᔪᕕᓃᑦ ᓯᓚᑎᖓᓂᒃ ᐃᓪᓘᑉ. ᐊᒥᓱᐃᑦ ᑫᕙᓪᓚᒍᓰᑦ ᓈᓕᕐᑎᓗᒋᑦ ᐊᖏᖃᑎᒌᒐᓱᐊᕐᓂᕕᓂᖏᑦ, ᐊᖑᑎᒃ ᐃᒻᒥᓂᒃ ᓄᖅᑲᑎᕐᑐᕕᓂᖅ ᖃᓄᐃᓘᕐᓂᖃᕋᓂ ᐳᓖᓯᒃᑯᓂᒃ. ᐋᓐᓂᐊᕕᓕᐊᕐᑎᑕᐅᓯᔪᕕᓂᖅ ᐅᖓᕙ ᑐᓚᑦᑕᕕᒃ ᖃᓄᐃᖕᖏᓯᐊᕐᓂᒧᑦ ᑰᑦᔪᐊᒥ ᐃᓱᒪᓕᕆᔭᐅᑎᑕᐅᒋᐊᕐᑐᓱᓂ. ᑕᒪᓐᓇ ᐱᐅᓯᖃᕈᑎᐅᔪᕕᓂᖅ ᑐᖓᓕᕆᔭᖓ ᓄᓇᕕᒻᒥ ᑕᒡᒐᓂ ᑕᖅᑭᒥᒃ. ᔫᓂ 2-ᖑᑎᓪᓗᒍ, ᐊᖑᑎᒃ ᐃᓄᑦᔪᐊᒥᐅᖅ ᐃᒻᒥᓂᒃ ᐊᑦᓱᖏᕐᑐᓂᕐᒥᔪᖅ ᐊᓂᕐᕋᒥᓂᒃ ᐊᕐᓇᒥᒃ ᑎᒍᒥᐊᓂᓂᖃᕐᓱᓂ. ᓄᖅᑲᑎᓯᓐᓂᒥᔪᖅ ᐳᓖᓯᒃᑯᓄᑦ ᐅᓪᓛᑯᑦ ᖃᐅᑐᐊᕐᒪᑦ. ᑰᑦᔪᐊᑉ ᓄᓇᓕᖓ ᐃᓄᑦᑕᖃᕐᑐᖅ 2,750-ᒐᓛᓂᒃ ᐊᒻᒪᓗ ᐅᖓᕙᐅᑉ ᓯᕿᓂᖓᓃᑦᓱᓂ.