ᐊᖑᑎᒃ ᐅᕕᒃᑲᖅ ᑎᒍᔭᐅᔪᖅ ᐃᓄᐊᕐᑐᕕᓂᐅᒻᒪᑦ ᐳᕕᕐᓂᑐᒥ
October 30, 2017
ᐊᒃᑑᐸ 26-ᒥ, 16-ᓂᒃ ᐅᑭᐅᓕᒃ ᐃᓄᒻᒪᕆᖕᖑᐸᓪᓕᐊᔪᖅ ᑎᒍᔭᐅᓚᐅᔫᖅ ᑯᐯᑉ ᐳᓖᓯᖏᓐᓄᑦ ᐳᕕᕐᓂᑐᒥ 52-ᓂᒃ ᐅᑭᐅᓕᒻᒥᒃ ᐊᖑᑎᒥᒃ ᐃᓄᐊᕐᑐᕕᓂᐅᑦᓱᓂ. ᑲᑎᕕᐅᑉ ᐳᓖᓯᖏᓐᓄᑦ ᑕᑯᔭᐅᓚᐅᔫᖅ ᑎᒥᖓ ᐅᓪᓗᓕᒫᖅ ᓈᑎᓪᓗᒍ ᐅᕕᒃᑲᒧᑦ ᐃᓄᐊᕐᑕᕕᓂᐅᑦᓱᓂ.
ᐸᓯᔭᐅᔪᖅ, ᐃᕐᖃᑐᐃᕕᑎᒍᑦ ᖃᓄᐃᓕᔭᐅᒍᑎᑖᓚᐅᔫᖅ ᐅᐸᓗᐃᑦᓱᓂ ᐃᓄᐊᕐᑐᕕᓂᐅᓂᖓᓄᑦ, ᐁᒪᔅᒥ ᐃᕐᖃᑐᕐᑕᐅᒋᐊᓪᓚᓛᕐᓱᓂ. ᐱᖁᔭᕐᓂᒃ ᓯᖁᒥᑦᓯᔪᓂᒃ ᖃᐅᔨᓯᒪᒐᕕᑦ ᐅᕝᕙᓘᓐᓃᑦ ᑕᑯᓐᓇᑐᕕᓂᐅᒍᕕᑦ ᓄᓇᕕᒻᒥ ᐅᕗᖓ ᓯᕙᓂᕆᐊᖃᕐᑐᑎᑦ, ᑲᑎᕕᐅᑉ ᐳᐅᓖᓯᖏᓐᓄᑦ ᐊᑭᖃᖕᖏᑐᒧᑦ 1-800-711-1800 ᐅᕝᕙᓘᓐᓃᑦ ᓯᕙᓂᕐᓗᒋᑦ ᓄᓇᓕᓯᓐᓂ ᐳᓖᓯᒃᑯᑦ.