ᐃᓄᑐᐃᓐᓇᖅ ᐳᓖᓯᖕᖑᖃᒻᒥᖅ ᐳᕐᑐᓂᑦᑎᓃᖃᑎᒋᑦᓱᒍ
ᓯᑦᑎᒻᐱᕆ 23-ᒥ, ᓄᓇᓕᒻᒥᓂ ᐅᒥᐅᔭᒥ, ᐳᓖᓯ ᔨᐊᕆ ᐹᑐᓴᓐ ᐊᖏᕐᑎᑕᐅᓚᐅᔪᕗᖅ ᓄᓇᓕᐅᑉ ᐃᓕᓐᓂᐊᕕᖓᓂ, ᐱᐊᕋᕐᓄᑦ ᐊᓕᐊᓱᑦᑐᓄᑦ ᑕᑯᓂᐊᕐᑕᐅᒪᑦᓱᓂ, ᐅᐱᒍᓱᑦᑐᓄᑦ ᐃᓚᒥᓄᑦ, ᐊᒻᒪᓗ ᐳᓖᓰᑦ ᐊᖓᔪᕐᖄᖓᓄᑦ.
ᐊᑖᑕᖓ, ᓄᕐᖃᓯᒪᓕᕐᑐᖅ ᐳᓖᓯᕕᓂᐅᑦᓱᓂ, ᐊᓈᓇᖓ, ᐊᒻᒪᓗ ᓇᔭᖓ ᐊᐃᓯᒪᔪᐃᓐᓇᐅᓂᕐᖁᑦ ᑕᐃᑲᓂ ᐱᒻᒪᕆᒻᒥ ᐊᑑᑎᔪᒥ.
ᐃᓄᑐᐃᓐᓇᐃᑦ ᐳᓖᓰᑦ ᔨᐊᕆᑎᑐᑦ, ᓂᕆᐅᒋᕙᕗᑦ, ᐃᑦᔭᕋᑦᓴᓯᐊᕈᓛᕆᐊᖏᑦ ᐅᕕᒃᑲᓄᑦ ᐃᓄᑐᐃᓐᓇᓄᑦ, ᑕᑯᑦᓴᐅᑎᑦᓯᓗᑎᒃ ᐳᓖᓯᐅᓂᕐᒥ ᐱᓇᓱᒐᖃᕐᓂᖅ ᑎᑭᐅᑎᔭᐅᒍᓐᓇᕆᐊᖓ.
ᑕᓐᓇ ᐱᓂᐊᕐᓂᖅ ᑐᑭᖃᓪᓚᕆᒃᑯᖅ ᔨᐊᕆᒧᑐᐃᓐᓇᐅᖏᑦᑐᖅ ᐃᓚᒥᓄᑐᐃᓐᓇᐅᖏᑦᑐᓗ, ᑭᓯᐊᓂ ᐃᓄᑐᐃᓐᓇᐃᑦ ᓄᓇᓕᓕᒫᖓᓄᑦ ᑐᑭᖃᓪᓚᕆᒃᑯᖅ.
ᖁᕕᐊᓲᑎᖃᕐᖁᒍᑦ ᑖᑦᓱᒥᖓ ᐱᔭᕇᕐᑕᐅᓯᐊᕐᑐᒥᒃ ᐊᒻᒪᓗ ᑲᔪᖏᕐᓴᐃᓂᖓᓂᒃ ᑭᖑᕚᑦᓴᑎᓐᓂᒃ.
ᐅᐱᒋᕙᑦᑎᒋ, ᐳᓖᓯ ᐹᑐᓴᓐ: ᐊᑖᑕᒥᑕ ᐱᓇᓱᒐᕕᓂᖓᓂᒃ ᐊᑐᕐᑐᖅ ᐅᐱᒍᓱᑦᓱᓂ!
ᐊᑦᔨᖑᐊᒥ ᐊᓪᓚᓯᒪᔪᑦ:
ᐊᖏᕐᑎᑕᐅᓂᖅ ᑲᒪᒋᔭᐅᓐᓂᖁᖅ ᔮ-ᕙᕌᓐᓱᐊ ᐱᐊᕐᓂᐃᒧᑦ, ᓄᓇᕕᒻᒥ ᐳᓖᓰᑦ ᐊᖓᔪᕐᖄᖓᓄᑦ. ᐃᓚᓕᕕᓂᖅ ᒫᑭ ᐳᑐᓕᒻᒥᒃ, ᑐᑭᒧᐊᑎᓯᑦᔨᒻᒪᕆᐅᑉ ᐃᑲᔪᕐᑎᖓᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ.
ᔨᐊᕆ ᐊᑖᑕᒥᓂᒃ, ᐊᓈᓇᒥᓂᒃ, ᓇᔭᒻᒥᓂᒃ, ᐊᒻᒪᓗ ᔮ-ᕙᕌᓐᓱᐊ ᐱᐊᕐᓃᒥᓪᓗ, ᓄᓇᕕᒻᒥ ᐳᓖᓰᑦ ᐊᖓᔪᕐᖄᖓᓂᒃ ᐊᐃᑉᐸᖃᕐᓱᓂ.
ᔨᐊᕆ ᐹᑐᓴᓐ ᐊᒻᒪᓗ ᐳᓖᓰᑦ ᐊᖓᔪᕐᖄᖓ, ᔮ-ᕙᕌᓐᓱᐊ ᐱᐊᕐᓂᐃ.
ᐱᐊᕋᐃᑦ ᐱᓂᐊᕐᓂᒥ ᐊᐃᓯᒪᔪᕕᓃᑦ ᖁᕕᐊᒋᔭᖃᑦᓯᐊᓱᑎᒃ.
ᐱᐊᕋᐃᑦ ᐅᐱᒍᓱᒍᒪᑦᓯᐊᓂᕐᖁᑦ ᔨᐊᕆᒥᒃ ᐱᓂᐊᕐᓂᖃᕇᕐᓯᒪᓕᕐᑎᓗᒍ.
ᔨᐊᕆ ᐅᐱᒋᔭᖅ ᐅᒥᐅᔭᒥᐅᑦ ᓯᕗᓕᕐᑎᖓᓄᑦ, ᔮᓂ ᖃᓴᓪᓗᐊᒧᑦ.