ᓰᑲᔨᐊᕐᓗᒥᒃ ᑳᓈᐱᔅᒥᒃ ᐃᓄᑦᔪᐊᒥ ᑎᒍᔨᓂᖅ

ᔪᓓ 31-ᒥ ᐃᓄᑦᔪᐊᒥ, ᑲᑐᑦᔮᖃᕐᓱᑎᒃ ᑲᑎᕕᐅᑉ ᐳᓖᓯᖏᑦ ᐊᒻᒪᓗ ᑯᐯᑉ ᐳᓖᓯᖏᑦ ᑎᒍᔨᓐᓂᓚᕿᓚᐅᕐᑑᒃ 1,800 ᑯᔮᒻᓂᒃ ᐅᖁᒣᓐᓂᓕᓐᓂᒃ ᓰᑲᔨᐊᕐᓗᓂᒃ, 300 ᑯᔮᒻᓂᒃ ᐋᓰᔅᓂᒃ ᐊᒪᓗ $5,460-ᓂᒃ ᑮᓇᐅᔭᓂᒃ ᑳᓯᓂᒃ.

​ᑲᑎᓂᖏᑦ ᑎᒍᔭᐅᔪᑦ $92,460-ᓂᒃ ᓴᓂᐊᓃᒐᔭᕐᑐᕕᓃᑦ. ᕿᓈᔭᕈᑎᒥᒃ ᑎᒍᒥᐊᕐᓱᑎᒃ ᑎᒍᔨᓐᓂᓚᕿᓚᐅᕐᑐᑦ, ᐸᓯᔭᖅ ᑎᒍᔭᐅᓚᐅᕐᑐᖅ ᐊᒻᒪᓗ ᐅᑕᕐᕿᐊᖃᕐᑎᑕᐅᓕᕐᓱᓂ ᐃᕐᖃᑐᐃᕕᒻᒦᓛᕐᓂᒥᓂᒃ. ᑲᑎᕕᐅᑉ ᐳᓖᓯᖏᑦᑕ ᖃᒻᒥᑯᑦ ᑎᒍᔨᓐᓂᒍᑎᒋᓯᒪᒻᒥᔭᖏᑦ: ᔫᓂ 3, 2019: $43,000-ᐃᑦ ᑮᓇᐅᔦᑦ ᐊᒻᒪᓗ 2 ᑭᓗᑯᔮᒻ ᓰᑲᔨᐊᕐᓗᐃᑦ ᑳᓈᐱᔅ ᐊᒻᒪᓗ ᐋᓰᔅ   ᐁᐸᔭᓕ 3, 2019: 132 ᑯᔮᒻᔅ ᐋᖓᔮᓐᓇᑐᖅ ᑯᑫᓐ     ᕕᕗᐊᔨ 6, 2019: ᐃᕐᓯᕕᒃ ᐃᓗᓕᓕᒃ ᐊᒥᓱᓂᒃ ᐋᖓᔮᓐᓇᑐᓂᒃ ᑯᑭᓐᓂᒃ, ᑳᓈᐱᔅᓂᒃ ᐊᒻᒪᓗ ᐃᒥᐊᓗᓐᓂᒃ   ᓅᕕᒻᐱᕆ 23, 2018: $63,367-ᓂ ᐊᑭᖃᕋᔭᕐᑐᕕᓃᑦ ᑮᓇᐅᔭᑎᒍᑦ ᐊᒻᒪᓗ ᐃᒥᐊᓗᐃᑦ       ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᕗᑦ ᐃᓄᓐᓂᒃ ᖃᓄᑐᐃᓐᓇᖅ ᑐᓴᕐᑎᓯᐅᑏᑦ ᐱᑦᔪᑎᒋᓗᒋᑦ ᐃᓕᒪᓇᕐᑐᓂᒃ ᐱᓇᓱᐊᕐᑕᐅᔪᓂᒃ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓴᕐᑕᐅᓂᖏᑦ ᐋᖓᔮᓐᓇᑐᐃᑦ ᐊᒻᒪᓗ ᐃᒥᐊᓗᐃᑦ, ᑐᓴᕐᑎᓯᔫᑉ ᐊᑎᖓ ᐅᖃᕐᑕᐅᓚᖓᒍᓐᓀᑎᓪᓗᒍ ᐅᖃᕈᑕᐅᒍᓐᓇᐳᑦ ᐅᕗᖓ Crime Stoppers ᐅᕗᖓ ᐅᖄᓗᑎᒃ 1-800-711-1800. ᑐᓴᕐᑎᓯᔪᑦ ᐁᑦᑐᑕᐅᒍᓐᓇᑐᐃᓐᓇᕆᐊᓖᑦ ᐊᑭᓕᕐᑕᐅᓗᑎᒃ ᐃᒣᓪᓗᐊᑐᑦ ᑎᑭᓪᓗᒋᑦ $2,000. ᐱᒻᒪᕆᐅᒋᕗᖅ ᐳᐃᒍᑦᑕᐅᑌᓕᒋᐊᖃᕐᓂᖓ ᓰᑲᔨᐊᕐᓗᐃᑦ ᑳᓈᐱᔅ ᓂᐅᕐᕈᑕᐅᔪᑦ Société québécoise du cannabis (SQDC) ᓂᐅᕐᕈᑎᖏᑦ ᐳᔮᕓᓐᓯᒥ ᐱᖁᔭᕐᓂᒃ ᓯᖁᒥᑦᓯᒍᑕᐅᖕᖏᑐᑑᒻᒪᑕ. ᑐᑭᓯᒋᐊᓪᓚᕈᒪᔪᑦ ᑳᓈᐱᔅ ᐱᖁᔭᕐᓂᒃ ᓯᖁᒥᑦᓯᒍᓐᓀᑎᑕᐅᓯᒪᓂᖓᓄᑦ, ᐅᕗᖓ ᖃᕆᑕᐅᔭᒃᑯᑦ ᑕᑯᒐᓱᐊᕈᓐᓇᑐᑦ http://www.krpf.ca/en/news/legislation-cannabis.