ᐱᓂᕐᓗᓂᐅᓚᐅᕐᑐᖅ ᐃᓅᒍᓐᓀᑐᖃᕐᓱᓂ ᑲᖏᕐᓱᐊᓗᑦᔪᐊᒥ ᒪᐃ 6, 2025-ᒥ

ᑰᑦᔪᐊᖅ, ᑯᐯᒃ, ᒪᐃ 7, 2025 – 10:30-ᖑᑎᓪᓗᒍ ᐅᓐᓄᐊᑯᑦ, ᐁᑉᐸᖓᓐᓂ, ᒪᐃ 6-ᒥ, ᒪᕐᕉᒃ ᐳᓖᓰᒃ ᑲᖏᕐᓱᐊᓗᑦᔪᐊᒥ, ᐊᑐᕐᓱᑎᒃ ᑎᒥᒥᐅᑕᕐᒥᒃ ᐊᑦᔨᓕᐅᕈᑎᒥᒃ, ᓇᕝᕚᓚᐅᕐᑑᒃ ᐃᓄᒻᒥᒃ ᑎᒍᔭᐅᒋᐊᓕᒻᒥᒃ.

ᐳᓖᓰᒃ ᖃᐅᔨᑎᑦᓯᑐᐊᕐᒪᑎᒃ ᑌᑦᓱᒥᖓ ᐃᓄᒻᒥᒃ ᑎᒍᔭᐅᓯᒋᐊᖓ, ᑎᒍᔭᐅᒐᓱᑦᑐᖅ ᖁᓄᓚᐅᕐᑐᖅ. ᐳᓖᓰᒃ ᑕᓚᓐᓇᑐᒥᒃ ᓱᐴᕐᑎᓯᓚᐅᕐᑑᒃ ᐊᐅᓚᑦᓯᒍᓐᓇᓯᒐᓱᑦᓱᑎᒃ ᑎᒍᔭᐅᒐᓱᑦᑐᒥᒃ, ᕿᒫᒐᓱᖏᓐᓇᑐᒥᒃ ᐳᓖᓰᓐᓂᒃ. ᑎᒍᔭᐅᒐᓱᑦᑐᖅ ᐊᓱᐃᓛ ᓵᑦᓯᓚᐅᕐᑐᖅ ᐳᓖᓰᓐᓂᒃ ᓴᕕᓕᔭᕐᓱᓂ. ᐳᓖᓰᒃ ᐁᑉᐸᖓ ᖁᑦᓴᓚᑦᑎᓯᒍᑎᒥᒃ ᐊᑐᓚᐅᕐᑐᖅ, ᑭᓯᐊᓂ ᓱᕐᕃᓚᐅᖕᖏᑐᖅ. ᓵᑦᓯᓂᖅ ᐱᕙᓪᓕᐊᖏᓐᓇᑎᓪᓗᒍ, ᐳᓖᓯ ᓯᒃᑮᓚᐅᕐᑐᖅ ᖁᑭᐅᑎᒥᓂᒃ ᐊᒻᒪᓗ ᐃᑭᓖᑦᓱᓂ ᑎᒍᔭᐅᒐᓱᑦᑐᒥᒃ. ᐃᑭᓕᕐᑕᐅᔪᖅ ᐃᓄᒃ ᐋᓐᓂᐊᕕᓕᐊᕈᑦᔭᐅᓚᐅᕐᑐᖅ, ᑌᑲᓂᓗ ᑐᖁᓂᖓ ᓇᓗᓀᕐᑕᐅᓱᓂ. 

ᐱᑦᔪᑎᒋᑦᓱᒍ ᑕᒪᓐᓇ ᐱᓂᕐᓗᓂᖅ, ᑕᒪᓐᓇ ᐁᑦᑑᑎᐅᓯᒪᓕᕐᑐᖅ ᐃᒻᒥᒎᕐᑐᓄᑦ ᐳᓖᓯᓄᑦ ᖃᐅᔨᓴᓲᓄᑦ ᐳᓖᓰᑦ ᐱᓂᕐᓗᓂᖏᓐᓂᒃ (BEI). ᑎᒥᒥᐅᑕᕐᒧᑦ ᐊᑦᔨᓕᐅᕈᑎᒧᑦ ᐊᑦᔨᓕᐊᕕᓂᖅ ᐁᑦᑑᑎᐅᓯᒪᒻᒥᔪᖅ ᐃᒻᒥᒎᕐᑐᓄᑦ ᐳᓖᓯᓄᑦ ᖃᐅᔨᓴᓲᓄᑦ ᐳᓖᓰᑦ ᐱᓂᕐᓗᓂᖏᓐᓂᒃ (BEI). ᓄᓇᕕᐅᑉ ᐳᓖᓯᖏᑦᑕ ᐳᓖᓯᖓ ᕿᑲᕐᑎᑕᐅᔪᖅ ᐊᒻᒪᓗ ᑲᔪᓯᓚᖓᒐᓂ ᐱᓇᓱᓐᓂᒥᒃ ᖃᐅᔨᓴᕐᓂᖅ ᖃᓄᐃᓕᒍᑎᐅᒌᖕᖏᓂᖓᓂ.

ᓄᓇᕕᐅᑉ ᐳᓖᓯᖏᑦ ᐅᖃᐅᓯᑦᓴᖃᕆᐊᓪᓚᓚᖓᖕᖏᑐᑦ ᑭᓇᓕᒫᒃᑯᓅᓕᖓᔪᓂᒃ ᐃᒻᒥᒎᕐᑐᑦ ᐳᓖᓰᑦ ᖃᐅᔨᓴᓲᑦ ᐳᓖᓰᑦ ᐱᓂᕐᓗᓂᖏᓐᓂᒃ ᖃᐅᔨᓴᕐᓂᖓ ᐱᔭᕇᖕᖏᓂᓕᒫᖓᓂ ᐊᒻᒪᓗ ᑐᓴᕐᑎᓯᒍᑎᓕᐅᕇᖕᖏᓂᓕᒪᖏᓐᓂ.