ᑎᒍᔨᔭᐅᔪᕕᓃᑦ ᑰᑦᔪᐊᕌᐱᒻᒥ ᐃᓄᑦᔪᐊᒥᓪᓗ
January 20, 2023
ᔭᓄᐊᕆ 13, 2023-ᒥ, NPS-ᑯᑦ ᐳᓖᓯᒃᑯᖏᑦ ᑰᔾᔪᐊᕌᐱᒻᒥ ᐅᓂᑦᑎᓯᓚᐅᕐᑐᑦ ᐊᒥᒐᖕᖏᑐᒥᒃ ᐱᖁᔭᓂᒃ ᒪᓕᖕᖏᒍᑕᐅᔪᒥᒃ ᐃᒥᐊᓗᒻᒥᒃ ᑐᕌᕐᑐᒥᒃ ᐅᑭᐅᕐᑕᑐᒥ ᓄᓇᓕᒻᒧᑦ ᐃᓄᒃᔪᐊᒥ. ᑖᒃᑯᐊ ᐱᖁᔭᓂᒃ ᒪᓕᒍᑕᐅᖕᖏᑐᑦ ᐱᖁᑏᑦ ᑕᖏᖃᓚᐅᕐᑐᑦ 3-ᓂᒃ ᐴᕐᓂᒃ ᐃᓗᓕᓕᓐᓂᒃ 35-ᓂᒃ ᓯᒥᐊᓇᕝ ᕚᑦᑲᖃᐅᑎᓂᒃ ᐳᓪᓚᐅᔭᓂᒃ 1.75 l-ᓕᓐᓂᒃ ᐊᒻᒪᓗ 28-ᓂᒃ 750 ml-ᓕᓐᓂᒃ.
ᐅᓪᓗᓭᓐᓇᖅ, ᐊᓯᒋᒻᒥᔭᖏᑦ NPS-ᑯᑦ ᐳᓖᓯᖏᑦ ᑲᔪᓯᑎᑦᓯᓚᐅᕐᒥᔪᑦ ᑕᒪᑐᒪ ᐱᓇᓱᑦᑕᐅᓂᖓᑕ ᐊᓪᓗᕆᐊᕐᓂᖓᓂᒃ ᑐᖓᓕᐊᓂᒃ ᐃᓄᒃᔪᐊᒥ. ᐳᓖᓰᑦ ᑎᒍᔨᓐᓂᒍᑎᖃᓚᐅᕐᑐᑦ ᐊᒥᒐᖕᖏᑐᒥᒃ ᐱᖁᔭᓂᒃ ᒪᓕᖕᖏᑕᐅᔪᒥᒃ ᐃᒥᐊᓗᒻᒥᒃ ᑕᖏᖃᕐᑎᑕᐅᑎᓪᓗᒍ ᐊᑕᐅᓯᕐᒧᑦ ᐳᕐᒧᑦ ᐃᓗᓕᓕᒻᒧᑦ 12-ᓂᒃ ᓯᒥᐊᓇᕝ ᕚᑦᑲᖃᐅᑎᓂᒃ ᐳᓪᓚᐅᔭᓂᒃ 1.75 l-ᓕᓐᓂᒃ.
NPS-ᑯᑦ ᐃᒻᒪᖃᐅᑦᓵᑐᑦ ᑲᑎᑦᓱᒋᑦ ᑖᒃᑯᐊ ᒪᕐᕈᐃᑦ ᐅᓯᓂᒍᑏᑦ ᐊᕐᖁᑎᑐᐃᓐᓇᒥ ᓂᐅᕐᕈᑕᐅᒍᑎᒃ ᐊᑭᖃᕋᔭᕐᓂᖓᓂᒃ $20,000 ᐅᖓᑖᓄᑦ.
ᖃᐅᔨᒪᒍᑎᑦᓴᖃᕈᕕᑦ ᐋᖓᔮᓐᓇᑐᑦ ᓂᐅᕐᕈᑕᐅᓂᖓᓂᒃ ᐅᕝᕙᓗᓘᓐᓃᑦ ᐃᒥᐊᓗᓐᓂᒃ ᑎᕐᓕᑎᑦᓯᓱᑎᒃ ᓂᐅᕐᕈᑎᓕᓐᓂᒃ, ᑭᓇᐅᓂᕐᓂᒃ ᐅᖃᕈᓐᓀᓗᑎᑦ ᐅᖃᕈᓐᓇᐳᑎᑦ NPS-ᑯᓐᓄᑦ ᐅᕙᓂ tips@nunavikpolice.ca