4 ᓇᓗᓀᕐᓯᐅᑏᑦ ᐃᑯᐊᓪᓚᑐᖃᕐᑎᓇᒍ ᖁᕕᐊᓱᕝᕕᓯᐅᖁᔨᒧᑦ

ᖁᕕᐊᓱᕝᕕᒃ ᑕᙯᕐᓯᕕᐅᓲᖅ ᑲᑎᒪᑦᓯᕕᐅᑦᓱᓂᓗ ᐃᓚᓐᓂᒃ ᐃᓚᓐᓈᓂᓪᓗ. ᑌᒪᖕᖓᑐᐃᓐᓇᐅᖏᑦᑑᒐᓗᐊᖅ, ᓄᓇᕕᒻᒥᐅᑦ ᐃᑯᐊᓚᒧᑦ ᓱᒃᑯᑕᐅᓚᕿᒍᓐᓇᓂᖏᑦ ᐃᓱᒫᓗᓐᓇᖏᓐᓇᐳᑦ. ᐱᔭᕆᐊᑭᑦᑐᑦ ᒪᓕᒐᑦᓭᑦ ᐃᑉᐱᒋᓗᒋᑦ, ᐃᓪᓗᓯ ᐃᑯᐊᓪᓚᕈᓐᓇᓂᖓ ᒥᑭᓪᓕᑎᕐᓯᒪᒍᓐᓇᑐᖅ.

1-  ᓯᓚᒥ ᑐᐹᑭᖃᑦᑕᓗᓯ ᓄᖑᓐᓂᑯᐃᑦ ᖃᒥᑦᓯᐊᒪᖔᑕ ᐃᑉᐱᒋᖃᑦᑕᓗᒋᑦ ᐊᒻᒪᓗ ᕿᒣᓐᓇᖃᑦᑕᕈᓐᓀᓗᒋᑦ ᐃᑯᒣᓐᓈᑎᓗᒋᑦ. ᐱᐅᓂᕐᓴᐅᒐᔭᕐᒥᔪᖅ, ᓯᓚᒥ ᑐᐹᑭᖃᑦᑕᕈᕕᑦ ᐊᒻᒪᓗ ᐊᓯᑎᑦ ᓯᓚᒥ ᑐᐹᑭᖃᑦᑕᖁᓗᒋᑦ. 2-  ᖁᕕᐊᓱᕝᕕᓯᐅᑎᓯ ᓇᐹᕐᑐᓚᕆᐅᑉᐸᑦ ᐃᒻᒥᖃᑦᑕᓗᒍ ᖁᕕᐊᓱᕝᕕᓂᐅᑎᖃᕈᒪᒍᕕᑦ ᓇᐹᕐᑐᓚᕆᒻᒥᒃ ᐃᓪᓗᓯ ᐃᓗᐊᓂ, ᓄᑖᑦᓯᐊᒥᒃ ᓇᐹᕐᑐᑖᕐᓗᑎᑦ, ᐃᓗᓕᒻᒥᒃ ᑐᖕᖓᕕᖃᕐᑎᓗᒍ ᐃᓗᓕᒃ ᐃᒻᒥᑐᖃᑦᑕᓗᒍ. ᓇᐹᕐᑐᖅ ᐃᑭᑦᓯᑐᐃᓐᓇᕆᐊᓕᐅᑉ ᓴᓂᐊᓃᒍᓐᓀᑎᓗᒍ, ᐆᑦᑑᑎᒋᓗᒋᑦ ᐸᕐᖄᕈᑏᑦ ᐊᒻᒪᓗ ᓇᐸᑌᑦ ᐸᕐᖁᔦᑦ. 3-  ᕿᒥᕐᕈᓯᐊᕐᓗᒋᑦ ᖁᕕᐊᓱᕝᕕᓂᐅᑏᑦ ᐃᑯᒫᐲᑦ ᐃᑯᒫᐲᑦ ᓇᐹᕐᑐᒧᑦ ᐃᓕᐅᕐᖃᓚᐅᕐᓇᒋᑦ ᐅᕝᕙᓘᓐᓃᑦ ᐃᓪᓗᓯ ᐃᓗᐊᓄᑦ, ᕿᒥᕐᕈᖄᕐᓗᒋᑦ. ᐃᒋᓗᒋᑦ ᐅᐊᔭᖏᑦ ᐊᑦᓱᓈᖁᑎᖏᑦ ᓄᖑᓐᓂᐅᐸᑕ ᐅᕝᕙᓘᓐᓃᑦ ᐊᓯᖏᑎᒍᑦ ᓱᒃᑯᓯᒪᑉᐸᑕ. 4-  ᖃᒥᑎᕆᐅᑎᑦᓴᓯ ᐃᑯᐊᓪᓚᕇᒃᑯᑎᓯ ᐅᐃᒪᓇᕐᓯᔪᖃᕐᐸᑦ ᐊᑐᐃᓐᓇᓯᐊᒍᓂᖏᑦ ᖃᐅᔨᒪᓗᒋᑦ ᐳᔪᕐᒥᒃ ᓀᒍᑎᒃ ᖁᕕᐊᓱᕝᕕᐅᓚᐅᕐᑎᓇᒍ ᐱᔪᓐᓇᓯᐊᕐᒪᖔᑦ ᖃᐅᔨᓴᕐᓗᒍ ᐊᒻᒪᓗ ᐃᑯᒪᖃᑦᓯᐊᓗᓂ. ᖃᒥᑎᕆᐅᑎᓯ ᐊᑐᐃᓐᓇᓯᐊᒍᓗᓂ ᑎᒍᔮᒍᓗᓂ ᖃᖓᑐᐃᓐᓇᖅ ᐊᑐᕆᐊᖃᓕᕈᓂ.   ᖃᓄᑐᐃᓐᓇᖅ ᐃᑯᐊᓚᒧᑦ ᐅᐃᒪᓇᕐᓯᔪᖃᕐᐸᑦ, ᐅᓇ ᓯᕙᓂᑦᓴᐅᑎᒋᓗᒍ 819-xxx-9000.   ᖁᕕᐊᓱᕝᕕᒥ ᖁᕕᐊᓱᒍᑦᓯ! ᐃᓚᓯ ᐃᑯᐊᓚᔪᒦᑦᑎᑌᓕᓯᐅᒃ!