BEI
ᐃᒻᒥᒍ ᐳᓖᓰᓂ ᐱᒍᑦᔨᔩᑦ ᓯᓚᑖᒍ ᓇᐅᑦᓯᑑᕐᑏᑦ ᐊᑦᔨᒌᑦᑎᓯᖃᕐᓂᑕᖃᒋᐊᖃᕐᓂᖓᓄ ᐱᖁᔭᕐᑎᒍ
ᐃᒻᒥᒍ ᓇᐅᑦᓯᑐᕐᑏᑦ ᐳᓖᓯᓂ ᐊᑦᔨᒌᑦᑎᓯᓂᕐᑕᖃᒋᐊᖃᕐᓂᖓᓄ (BEI) ᑲᕙᒪᒃᑯᑦ ᑐᑭᒧᐊᑦᑎᓯᓂᖓ ᖃᐅᔨᓴᕐᑕᐅᒋᐊᓕᓐᓂ ᑲᔪᓯᑎᑦᓯᔨ ᑯᐯᒥ. ᐊᑕᓐᓂᐅᕕᐊᒐᒥ ᑲᔪᓯᑎᑦᓯᓲᑦ ᐳᓖᓯᐅᓂᕐᒥ ᐱᖁᔭᕐᓂ ᐱᔪᓐᓇᐅᑎᒥᓂ ᐱᒋᐊᕐᓯᒪᔪᑦ 2016.
ᑲᔪᓯᒍᓐᓇᖁᓗᒍ ᐱᔭᑦᓴᕆᔭᐅᔪ, BEI ᓇᐅᑦᓯᑐᕐᑎᖏ/ᖃᐅᔨᓴᕐᑎᖏᑦ ᐳᓖᓰ ᐱᓇᓱᐊᕐᑕᖏᓂ ᓇᓃᓐᓂᖏᓐᓂ ᑎᒍᒥᐊᓲᑦ, ᐱᔪᓐᓇᐅᑎᓕᒫᒐᓴᖏᓐᓂ ᐱᓇᓱᐊᖃᑦᑕᒋᐊᓕᒐᓴᖏᓐᓂ.
ᑐᓴᐅᒪᑎᑦᓯᓭᓐᓇᒐᓗᐊᕐᑎᓗᒍ ᑐᕐᖃᑕᕐᕕᖓᓄ ᓴᑑᒪᐅᑏᑦ, ᐃᒻᒥᒍ ᐳᓖᓯᓂ ᓇᐅᑦᓯᑐᕐᑏᑦ BEI ᐊᐅᓚᓲᖑᒻᒪᑕ ᓇᒻᒥᓂ. ᐳᓖᓯᒃᑯᓂ ᐊᐅᓚᑦᓯᔨᐅᑦᔭᒐᑎ, ᓴᑐᒪᐅᑎᓂ ᐃᓄᓕᒫᕐᓯᐅᑎᓂ ᑕᑎᒋᓐᓇᑑᒋᐊᖏᓐᓂ ᓂᕆᐅᓐᓂᕆᔭᑦᑎᓂ ᑲᔪᓯᑦᓯᐊᒪᖔᑕ ᐊᑯᓐᓂᖓᓃᑦᑏᑦ.
ᑐᖕᖓᕖᑦ
ᐃᒻᒥᒍ ᓇᐅᑦᓯᑐᕐᑏᑦ/ᖃᐅᔨᓴᕐᑏᑦ ᑎᒥᐅᔫᑦᓱᑎᑦ ᐃᓄᒻᒥ ᓱᒃᑯᐊᕿᔪᕐᑕᖃᑦᓴᓂᕐᐸᑦ, ᐋᓐᓂᑕᐅᔪᖃᑦᓴᓂᕐᐸ ᖁᑭᕐᑕᐅᔪᕐᑕᖃᑦᓴᓂᕐᐸᓘᓐᓂᑦ, ᐃᓅᒍᓐᓀᓚᕿᔪᕐᑕᖃᕐᐸ ᐱᒋᐊᕐᑕᐅᔪᕕᓂᐅᓗᓂ, ᐳᓖᓰ ᐱᓇᓱᑦᓱᑎ ᑎᒍᓯᓯᒪᑐᐊᕋᒥ ᐃᓄᒻᒥᑦ
ᐱᖁᔭᒥᑦ ᖄᖏᓐᓈᓂᕋᕐᑕᐅᔪ
ᐃᒻᒥᒍ ᓇᐅᑦᓯᑐᕐᑏᑦ/ᖃᐅᔨᓴᕐᑏᑦ ᑎᒥᐅᔫᑦᓱᑎᑦ BEI ᑲᒪᒋᐊᖃᓲᖑᒻᒥᔪᑦ ᐸᓯᔭᐅᔪᕐᑕᖃᑦᓴᓂᕐᐸᑦ ᐳᓖᓯᒥᑦ ᐃᑦᓯᒎᕐᓂᓗᑦᑐᒥ ᖁᓄᔪᕐᓂᐊᓯᒪᑦᓱᓂ ᐱᓇᓱᓐᓂᒥᓂ, ᐳᓖᓯᐅᔪ ᐱᖁᔭᓂ-ᖄᖏᓐᓈᓯᒪᑉᐸᑦ-ᐱᓇᓱᓐᓂᕈᓂ- ᐱᓇᓱᓐᓂᖏᒃᑯᓂᓪᓗᓃᑦ ᐅᓐᓂᓗᑦᑐᖅ ᓄᓇᖃᕐᖄᓯᒪᔫᑐᐊᕐᐸᑦ.
ᐅᐃᒍᕆᒻᒥᔭᖓ, ᑐᕐᖃᑕᕐᕕ ᓴᑐᒪᓂᕐᒧᑦ ᑐᖕᖓᕕᓕᐅᑐᐃᓐᓇᕆᐊᖃᕐᒪ ᓇᐅᑦᓯᑐᕐᑎᓂᑦ/ᖃᐅᔨᓴᕐᑎᓂ BEI ᑭᓪᓕᓯᓂᐊᕐᑎᓯᓗᓂ ᐸᓯᔭᐅᔪᓂ ᐳᓖᓯᓂᑦ ᐅᕝᕙᓘᓐᓃᑦ ᑎᒃᑯᐊᑕᐅᓯᒪᑦᓱᓂ ᐳᓖᓯᐅᓂᕐᒥ ᑎᓕᔭᐅᓯᒪᔪ. ᐃᓚᖏᑎᒍ ᐊᑑᑎᓲᑦ, ᓇᐅᑦᓯᑐᕐᑏᑦ/ᖃᐅᔨᓴᕐᑏᑦ BEI ᐱᔭᑦᓴᖃᕐᑎᑕᐅᒍᓐᓇᒥᔪ ᐊᑯᓐᓂᖓᓃᑦᑎᒥ ᓭᒻᒪᓭᔨᐅᑦᓱᓂ ᐳᓖᓯ ᒥᑦᓯᖓᓅᓕᖓᔪᓂ ᐱᓇᓱᐊᕐᑎ.
ᐊᑑᑎᓯᒪᓕᕐᑐᓂ ᑐᑭᓯᓇᓕᕐᑎᓯᒋᐊᕐᓂ
ᑎᓕᔭᐅᓯᒪᔪᕐᑕᖃᓕᑐᐊᕋᒥ ᓇᐅᑦᓯᑐᕐᓂᒥ/ᖃᐅᔨᓴᕐᓂᒥ, BEI ᓇᒧᑐᐃᓐᓇ ᐅᖃᔭᕋᑦᓴᓂᐅᔭᖏᒪᑕ ᓱᔪᑦᑕᖃᑦᓴᒥᓂᕐᐸᑦ ᖁᓄᐃᑦᑐᑰᕐᑐᖃᓕᕐᐸᓗ ᓯᓚᑐᓵᕐᓱᑎᑦ. ᐊᑐᓂ ᓇᐅᑦᓯᑐᕐᓃᑦ/ᖃᐅᔨᓴᕐᓃᑦ-ᐃᒻᒥᒎᕐᐸᑕ ᐱᖁᔭᓂ ᖄᖏᓐᓈᓂᕐᒨᓕᖓᑉᐸᑕᓗᓐᓃ- ᓇᐅᑦᓯᑐᕐᑏᑦ/ᖃᐅᔨᓴᕐᑏᑦ ᐅᓐᓂᓘᑎᓂ ᓄᐊᑦᓯᓲᑦ, ᑭᓪᓕᖃᑦᓯᐊᑐᓂ, ᑕᑯᑦᓴᐅᔪᓂᓗ ᓱᒃᑯᐊᕿᓚᓂᕕᓂᕐᒧ, ᓱᓇᓕᒫᑦᓯᐊᓂ ᑐᑭᓯᓂᐊᕐᓱᑎ ᐊᓯᐸᖏᓱᑎ, ᐃᑉᐱᒋᑦᓯᐊᒪᕆᑦᓱᒋ ᖃᐅᔨᓴᕐᑕᐅᓃᑦ ᓴᓂᕐᕋᓯᐊᕐᓱᒋ ᐃᓂᓪᓚᖓᑦᓯᐊᑐᒥ ᐱᖁᔭᐅᔪᒥ ᖄᖏᓐᓈᓂᐅᑉ ᒥᑦᓵᓄᑦ.
ᓇᐅᓯᑦᑐᖃᑎᒌᑦᑐᑦ/ᖃᐅᔨᓴᖃᑎᒌᑦᑐᑦ ᐱᓇᓱᐊᖃᑎᒌᑦᑐᑦ ᒪᓕᑦᓯᐊᓲᖑᒻᒪᑕ ᒪᓕᑦᓭᓐᓇᒋᐊᓕᒻᒥᓂ ᖃᖏᓐᓈᓴᕐᓂᐅᔭᖏᒧ ᐱᖁᔭᕐᑎᒍ ᐊᑦᔨᒌᑦᑎᓯᒋᐊᖃᒧᓪᓗ. ᐱᓪᓗᑯᑦᓱᒋ ᓇᐅᑦᓯᑐᕐᓱᒋᑦ, ᑐᑭᓯᓇᓕᕐᑎᕆᑦᓱᑎ, ᖃᐅᔨᓴᕐᓱᑎ, ᐃᓂᓪᓚᖓᑦᓯᐊᑐᓂ ᐊᐱᕐᓲᑎᖃᕐᓱᑎ ᖃᓄᐃᓘᕐᑕᐅᓯᒪᔪᓂ ᑕᑯᓐᓇᓯᒪᔪᓂᒐᓴ ᕿᑎᖓᓃᑦᑎᓱᒍ. ᑐᕌᒐᕆᔭᐅᔪ ᓄᐃᑦᓯᓂᕐᒥᑦ, ᐃᒻᒥᒍ ᐳᓖᓯᒃᑯᑦ ᓯᓚᑖᒍ ᑎᒥᐅᔫᑦᓱᑎ ᓇᐅᑦᓯᑐᕐᑏᑦ, ᓱᓇᓕᒫᑦᓯᐊ ᑐᓴᕐᑎᓯᒍᑏᑦ ᐃᓂᓪᓚᑕᐅᑦᓯᐊᓱᑎᑦ.
ᓇᐅᑦᓯᑐᕐᓂᐅᓚᐅᕐᑐᑦ/ᖃᐅᔨᓴᕐᓂᐅᓚᐅᕐᑐᑦ ᖃᓄᐃᓕᖓᓂᖓᓂ ᑐᑭᓯᓇᓕᕐᑎᓯᒍᑏᑦ, ᓇᐅᑦᓯᑐᕐᑏᑦBEI ᖃᐅᔨᓴᕐᓱᑎ ᑭᓪᓕᓯᓂᐊᕐᓯᒪᔭᒥᓂ ᑐᓂᓯᓲᑦ ᓴᖑᐊᑦᓯᔨᒧᑦ ᐱᖁᔭᓂ ᖄᖏᓐᓈᑕᐅᓯᒪᔪᓂ ᖃᓄᕐᑑᒋᐊᖃᓲᓄᑦ Directeur des
poursuites criminelles et pénales (DPCP) ᐊᒻᒪᓄ, ᐃᓅᒍᓐᓀᑐᖃᑦᓴᓂᕐᐸᑦ, ᖃᓂᒪᒨᖏᑐ ᑐᖁᓯᒪᔪᒥ ᑲᕙᒪᒃᑯᑦ ᑲᒪᓲᑦ Bureau du Coroner. ᓴᖑᐊᑦᓯᔨᒧᑦ ᐱᖁᔭᓂ ᖄᖏᓐᓈᑕᐅᓯᒪᔪᓂ ᖃᓄᕐᑑᒋᐊᖃᓲᓄᑦ DPCP ᑐᑭᑖᓂᐊᓕᕐᒪᑦ ᐃᕐᖃᑐᕋᑦᓴᓕᐊᖃᑦᓴᒪᖔ. ᐃᒣᒻᒪᑦ, ᓴᖑᐊᑦᓯᔨᖓ ᓇᐅᑦᓯᑐᕐᑏ BEI ᐱᔪᓐᓇᐅᑎᓕ ᑭᓪᓕᓯᓂᐊᕐᑕᐅᔪ ᓄᕐᖃᑎᑕᐅᒍᓐᓇᓂᖓᓂ, ᐳᓖᓰᑦ ᐃᓄᐊᕐᓯᒪᓚᕿᖏᑐᐊᕐᐸᑕ ᓱᒃᑯᐊᕿᒻᒪᕆᑎᑦᓯᖏᑐᐊᕐᐸᑕᓗ, ᐸᓯᑦᓯᓃᑦ ᐱᑦᔪᑎᖃᑦᓯᐊᖏᓱᑐᐊᕐᐸᑕ ᑭᓪᓕᖃᑦᓯᐊᖏᑉᐸᑕᓗ.
ᐃᓚᒌᑦ ᐃᓄᐃᓪᓗ ᐊᑐᓂ ᑎᒥᒃᑯᑦ ᐋᓐᓂᑕᐅᓯᒪᔪ ᐃᓄᐊᕐᑕᐅᓱᑎᓪᓗᓃᑦ
ᖃᐅᔨᓴᕐᑕᐅᓴᐅᑎᒋᓂᕐᒥᓂ ᐃᓄ ᑎᒥᒃᑯ ᐊᓐᓂᒪᕆᑦᑕᐅᓯᒪᑐᐊᕐᐸᑦ ᐃᓄᐊᕐᑕᐅᓴᕐᓂᐸᓗᓐᓃ ᐳᓖᓯᒧᑦ ᐱᓇᓱᑦᑐᒧᑦ, ᓇᐅᑦᓯᑐᕐᑏᑦ ᐳᓕᓰᑦ ᓯᓚᑖᒍ ᐱᓇᓱᐊᕐᑏᑦ BEI ᐃᓚᒋᔭᐅᔪᒥ ᖃᓂᑕᕆᔭᐅᔪᒥ ᑐᓴᕐᑎᓯᒋᐊᖃᓲᑦ. ᖃᐅᔨᓴᕐᑐᐃᑦ ᐊᖓᔪᕐᖄᖓ ᐊᓯᖓᓗᓐᓃ ᑎᓕᔭᐅᓯᒪᔪ ᑐᓴᐅᒪᖃᑎᖃᑦᓯᐊᖏᓐᓇᓲ ᖃᐅᔨᓴᕐᓂᓕᒫᒥᓂ. ᖃᓄᐃᓕᖓᓕᕐᒪᖔᑕ ᖃᐅᔨᓴᕐᑕᐅᔪ ᐳᓖᓰ ᐅᖄᖃᑎᖃᒍᓐᓇᓗᓂ ᖃᓂᑕᕆᔭᐅᔪᓂ, ᑐᑭᓯᓂᕐᓗᖃᑦᑕᐅᑎᖁᔨᖏᒧ ᖃᓄᐃᑦᑑᓂᕕᓂᖏᓐᓂ, ᐃᓚᖏᑎᒍ ᓯᓚᑐᓵᕐᕕᖃᕐᓱᑎ ᐱᔭᕇᕐᓯᒪᖏᑐᐊᕐᐸ ᖃᐅᔨᓴᕐᑕᐅᔪ ᐃᓱᐃᓪᓕᖁᓇᒍ.
ᓄᓇᖃᕐᖄᓯᒪᔪᓂᑦ ᓴᐳᒻᒥᓂ
ᐊᑯᓐᓂᖓᓃᑦᑎ ᐊᓪᓚᓄᑦ ᐃᓄᑐᐃᓐᓇᓄᓗ ᐊᑐᐃᓐᓇᐅᔪ ᓴᐳᒻᒥᔭᐅᒋᐊᖃᕐᑐᑕᖃᑦᓴᓂᕐᐸᑦ ᐊᑐᓂ ᓄᓇᖃᕐᖄᓯᒪᔪᐃᑦ ᖃᐅᔨᓴᕐᑕᐅᓂᕐᑕᖃᕐᑎᓗᒍ ᓱᒃᑯᐊᕿᓂᕕᓂᕐᒥ, ᐸᓯᔭᑦᓴᐅᔪᕐᑕᖃᑦᓴᓂᕐᐸᑦ ᐅᕝᕙᓗᓗᓐᓃᑦ ᐃᒻᒥᒍ ᓇᐅᑦᓯᑐᕐᑎᖃᕐᐸᑦ ᑎᒥᐅᔪᒥ. ᑐᑭᓯᒋᐊᑦᓯᐊᒍᒪᔪᓄ ᖃᕆᑕᐅᔭᕐᑎᒍ ᐱᑐᕝᕕᐅᒍᓐᓇᑐ ᓯᓚᑎᖓ: https://www.bei.gouv.qc.ca/en/pni
ᐊᑯᓐᓂᖓᓃᑦᑎᒥ ᐅᖃᓕᒪᖃᑎᖃᒍᓚᑐᐊᕈᕕ ᑐᓴᐅᒪᑎᑦᓯᓯᐊᓲᒥᑦ ᓇᒧᑐᐃᓐᓇ ᐅᖃᔭᕋᒐᔭᖏᑐ : marjorie.comeau-beaulieu@bei.gouv.qc.ca
ᑐᑭᓯᒋᐊᑦᓯᐊᕈᒪᓐᓂᕈᕕᑦ ᓇᐅᑦᓯᑐᕐᑎᓂ/ᖃᐅᔨᓴᕐᑎᓂ ᐃᒻᒥᒍ ᐳᓕᓰᑦ ᓯᓚᑖᒍ ᑲᒪᓲᑦ ᖃᖏᓐᓈᓯᒪᔪᓂ ᐱᖁᔭᕐᓂ ᐳᓖᓯᓂ BEI https://www.bei.gouv.qc.ca/en/