ᒪᒥᒪᑎᑦᓯᕕᐅᔪᑦ ᖃᐅᔨᒪᔭᐅᖏᐊᓕᓐᓂᒃ

ᐃᓘᓐᓈᖑᑦ ᖃᐅᔨᒪᔭᐅᒋᐊᓖᑦ

ᓄᓇᕕᐅᑉ ᐳᓖᓯᖏᑦᑕ ᑭᒡᒐᑑᑎᖏᑦ ᐊᐅᓚᑕᐅᔪᖅ ᐆᒧᖓ ᐱᖁᔭᒻᒪᕆᒃ ᒥᓵᓅᓕᖓᔪᓂᒃ ᐊᑐᓐᓇᖃᕈᓐᓇᓂᕐᒧᑦ ᓯᑯᑦᓴᔭᓂᒃ ᑎᒍᒥᐊᕐᑕᐅᔪᓂᒃ ᐃᓄᓕᒫᓅᓕᖓᑦᓱᑎᒃ ᑎᒥᐅᔪᓄᑦ ᐊᒻᒪᓗ ᐸᐸᑕᐅᒋᐊᖃᕐᓂᖏᓐᓂᒃ ᐃᓅᑉ ᐃᓗᒃᑰᑑᑉ ᐊᓪᓚᖁᑎᓕᐅᕐᑕᐅᓯᒪᒍᑎᖏᓐᓂᒃ. ᑖᑦᓱᒪᓗ ᐱᖁᔭᐅᑉ ᐊᑖᓂ, ᓇᓪᓕᐊᓕᒫᖅ ᐱᔪᓐᓇᐅᑎᖃᕐᐳᑦ ᐃᒣᒍᓐᓇᓱᓂ:

• ᐊᑐᐃᓐᓇᖃᕐᑎᑕᐅᒋᐊᓕᒃ ᓯᑯᑦᓴᔭᓕᒫᓂᒃ ᑎᒍᒥᐊᕐᑕᐅᔪᓂᒃ NPS-ᑯᓄᑦ ᒪᓕᑦᓯᐊᑐᐃᓐᓇᓗᓂ ᐃᓂᕐᑎᕆᐅᑎᐅᓯᒪᔪᓂᒃ, ᐊᒻᒪᓗ ᖃᓄᐃᓕᒍᑕᐅᓯᒪᓪᓗᑯᑦᓱᑎᒃ ᑐᓂᕐᕈᑕᐅᒋᐊᖃᖕᖏᑐᖃᕐᐸᑦ.
• ᖃᐅᔨᒪᒋᐊᓕᒃ ᓇᒻᒥᓂᕐᒥᓄᑦ ᐊᓪᓚᒍᑕᐅᒍᑎᒋᓯᒪᔭᕐᒥᓂᒃ ᑎᒍᒥᐊᕐᑕᖏᓐᓂᒃ NPS-ᑯᑦ.
• ᑕᒻᒪᓯᒪᔪᖃᕐᐸᑦ ᐋᕐᕿᑕᐅᖁᔨᒋᐊᓕᒃ ᐊᓪᓚᓯᒪᔪᖁᑎᒥᓂᒃ ᑐᑭᖃᑦᓯᐊᖏᑐᐊᕐᐸᑕ ᓱᓇᒥᖕᖏᓗᐊᕐᐸᑕᓘᓐᓃᑦ ᐅᕝᕙᓘᓐᓃᑦ ᐱᖁᔭᒻᒪᕆ ᐱᖁᔭᒻᒪᕆᒃ ᐱᔪᓐᓇᑎᑦᓯᕕᖃᖕᖏᐸᑦ ᖃᐅᔨᒪᔭᐅᒋᐊᓕᓐᓂᒃ ᑎᒍᒐᑦᓴᐅᓂᐊᕐᑎᓗᒋᑦ, ᑐᓴᕐᑕᐅᑎᑕᐅᓂᐊᕐᑎᓗᒋᑦ, ᐅᕝᕙᓘᓐᓃᑦ ᐱᐅᓕᐊᕐᑕᐅᒍᒪᑎᓪᓗᒋᑦ.

ᓯᑯᑦᓴᔭᓕᐅᕈᓰᑦ ᕿᓄᒍᑎᓂᒃ

ᕿᓄᒍᑎᓕᐅᓚᖓᑐᐊᕈᕕᑦ ᐊᐅᓚᑕᐅᓂᖓᑕ ᐊᓪᓚᖁᑎᕕᓂᖏᓐᓂᒃ, ᐊᓪᓚᓯᒪᔪᕐᑎᒍᑦ ᕿᓄᒍᑎᓕᐅᕆᐊᖃᕐᑐᑎᑦ ᐃᓚᖃᕐᒥᑎᓪᓗᒋᑦ ᒪᑯᓂᖓ:

• ᑐᓴᕋᓱᐊᕐᑕᐅᒍᒪᓐᓂᕈᕕᑦ ᓇᓃᒻᒪᖔᕐᐱᑦ (ᐊᑎᓕᕐᖀᑦᑦ, ᐊᑏᑦ, ᓯᓚᑏᑦ, ᐅᓚᐅᑎᑉᐱᑦ ᑭᑎᑦᔪᑎᖓ, ᐅᓪᓗᖓ ᐃᓅᓕᕐᕕᐱᑦ, ᐊᓯᖏᓪᓗ)
• ᐊᒡᒐᒧᑦ ᐊᓪᓚᑕᕕᓂᑦ ᐊᑎᓕᐅᕐᕈᓰᑦ
• ᐊᑦᔨᖓ ᓯᑯᑦᓴᔭᖅ ᑲᕙᒪᒃᑯᓂᑕᖅ ᑭᓇᐅᒻᒪᖔᕐᐱᑦ ᐃᓕᑕᕐᓂᐊᑕᐅᒍᑏᑦ (ᐆᑦᑑᑎᒋᓗᒍ ᓯᕿᓂᖕᖑᐊᑦ, ᐊᖁᒍᓐᓇᐅᑏᑦ, ᓄᓇᕐᔪᐊᓄᑦ ᐃᑎᕈᑎᒃ). ᐊᑐᐊᕐᑕᐅᒍᓐᓇᓯᐊᕈᓇᐅᑎᓪᓗᒋᑦ.

ᕿᓄᒍᑎᓕᐊᑦ ᑖᒃᑯᓂᖓᓪᓗᑯᑦ ᕿᓄᒍᑎᓐᓂᐅᕕᑦ ᑐᕿᖃᑦᓯᐊᕆᐊᓕᒃ ᐱᕕᓕᒫᒃᑯᑦ ᑕᒪᒃᑯᐊ ᓯᑯᑦᓴᔦᑦ ᐱᔭᐅᒍᒪᔪᑦ ᓇᓗᓀᕐᑕᐅᓯᐊᖃᑦᑕᓂᐊᕐᒪᑕ ᓇᓃᒻᒪᖔᑕᓗ ᑕᑯᔭᐅᒍᐊᕐᑑᓗᑎᒃ.

ᓯᑯᑦᓴᔭᓂᒃ ᕿᓄᒍᑎᕐᓂᕈᕕᑦ ᐃᓗᓕᖃᑐᐃᓐᓇᕆᐊᖃᕐᒪᑕ ᓇᒻᒥᓂᒃ ᐅᓂᒃᑲᐅᓯᕐᓂᐅᕕᑦ ᐃᓄᒃ ᐊᓯᐊ ᐱᓪᓗᒍ, ᐊᑎᓕᐅᕐᕕᐅᔪᕕᓂᐅᑉᐸᑦ ᑕᒪᒋᓐᓄᑦ ᐊᖏᕈᑎᒥᒃ ᐃᓚᐅᒋᐊᖃᕐᒥᔪᖅ ᑖᒃᑯᓇᓂ ᕿᓄᒍᑎᓕᐊᓂ.

ᑖᓐᓇ ᐊᖏᕈᑎᒃ ᑐᑭᖃᑦᓯᐊᕆᐊᓕᒃ ᐊᓪᓚᓯᒪᔪᖃᑦᓯᐊᓗᓂ ᐱᓪᓗᒋᑦ ᓯᑯᑦᓴᔦᑦ ᑲᒪᒋᔭᐅᒍᒪᔪᑦ ᐊᒻᒪᓗ ᐃᓕᑕᕐᓇᐅᑎᖓ ᐃᓅᑉ ᐅᕝᕙᓘᓐᓃᑦ ᑎᒥᐅᒨᑉ ᐱᔪᓐᓇᐅᑎᖃᕐᑎᑕᐅᔫᑉ ᖃᐅᔨᒐᓱᐊᕈᓐᓇᓗᑎᒃ ᑖᒃᑯᓂᖓ ᓯᑯᑦᓴᔭᓂᒃ ᐅᓪᓗᖃᕐᑎᑕᐅᑦᓯᐊᓗᓂᓗ ᖃᒻᒥᓂᑕᕐᒥᒃ.

ᕿᓄᒍᑎᖃᕈᓐᓇᑐᑎᑦ ᐊᐅᓚᑦᓯᕕᐅᑉ ᓯᑯᑦᓴᔭᖁᑎᓂᒃ, ᐊᐅᓪᓚᑎᓗᒍ ᓯᑯᑦᓴᔭᖅ ᐊᓪᓚᓯᒪᔪᕐᑕᓕᒃ ᕿᓄᒍᑎᓐᓂᐅᕕᑦ ᐅᑯᓂᖓ ᐃᓚᖃᕐᒥᑎᓪᓗᒋᑦ:

• ᑐᓴᕋᓱᐊᕐᑕᐅᒍᒪᓐᓂᕈᕕᑦ ᓇᓃᒻᒪᖔᕐᐱᑦ (ᐊᑎᓕᕐᖀᑦ, ᐊᑏᑦ, ᓯᓚᑏᑦ, ᐅᖃᓚᐅᑎᑉᐱᑦ ᑭᑎᑦᔪᑎᖓ)
• ᓯᑯᑦᓴᔦᑦ ᑐᑦᓯᕋᕐᑕᐅᔪᑦ.

ᕿᓄᒍᑎᒃ ᑐᑭᖃᓯᐊᓗᓂ ᐱᕕᓕᒫᒃᑯᑦ ᑕᒪᒃᑯᐊ ᓯᑯᑦᓴᔭᕐᑖᕆᒍᒪᔭᑎᑦ ᓇᓗᓀᕐᑕᐅᓯᐊᕆᐊᖃᕐᓂᐊᒪᑕ ᑕᑯᔭᐅᑦᓴᐅᑎᒋᓗᑎᓪᓗ. ᑖᑦᓱᒧᖓ ᕿᓄᒍᓯᕐᒧᑦ, ᐊᐅᓪᓚᑎᑦᓯᒋᐊᑐᖕᖏᑐᑎᑦ ᓯᑯᑦᓴᔭᐅᑉ ᐊᑦᔨᖓᓂᒃ ᓇᓗᓀᕐᑕᐅᒍᑎᓐᓂᐅᕕᑦ.

ᓇᒧᖕᖓᓕᐊᕐᑎᑕᐅᒋᐊᖃᕐᓂᖓ ᕿᓄᒍᑎᓕᐊᑉ

ᐊᐅᓪᓚᑎᑦᓯᒍᓐᓇᖁᑎᑦ ᕿᓄᒍᑎᓕᐊᕐᓂᒃ ᐅᕗᖓ

• ᖃᕆᑕᐅᔭᒃᑯᑦ: IGordon@krg.ca
• ᓱᑲᑦᑐᑰᕈᑎᒃᑯᑦ: 819 964-2267
• ᖃᕆᑕᐅᔭᐅᑉ ᐊᓪᓚᖃᑦᑕᐅᑎᕕᖓᒍᑦ:
  Access to information
  PO Box 9
  Kuujjuaq, QC J0M 1C0

ᐃᓂᕐᑎᑕᐅᓯᒪᓂᖅ ᐱᔪᓐᓇᕆᐊᖅ ᐊᑐᐃᓐᓇᖃᕐᑎᑕᐅᒍᓐᓇᓂᕐᒥᒃ

ᑐᓂᔨᓗᓂ ᕿᓄᒍᑎᒥᓂᒃ ᐊᑐᐃᓐᓇᖃᕐᑎᑕᐅᒍᒪᑦᓱᓂ ᓱᕐᖁᐃᓯᒍᑕᐅᖕᖏᓚᖅ ᑎᒍᓯᒍᓐᓇᓂᐊᕐᒪᖔᕐᐱᑦ ᐱᔪᒪᔭᕐᓂᒃ ᓯᑯᑦᓴᔭᓂᒃ.

NPS-ᑯᑦ ᕿᐱᓗᑐᐃᓐᓇᕆᐊᓖᑦ ᑐᓴᕐᑕᐅᑎᑦᓯᒋᐊᖅ ᓯᑯᑦᓴᔭᓂᒃ ᐅᕝᕙᓘᓐᓃᑦ ᓱᕐᖁᐃᓯᑎᑦᓯᓗᑎᒃ ᑌᒣᑦᑐᓂᒃ ᓯᑯᑦᓴᔭᖁᑎᖃᕐᓂᒥᓂᒃ ᑐᓂᕐᕈᑎᕕᓂᖓ ᐃᒣᓕᓚᖀᑦᔭᖒᕆᒍᓂᐅᒃ:

• ᐊᕝᕕᐊᓚᖀᓚᖓᑐᐊᕐᐸᑦ ᐱᕙᓪᓕᐊᑕᐅᓂᖓᓂᒃ ᐱᓂᐊᕐᓂᓴᓕᐊᖑᒐᓱᐊᕐᑐᑦ ᓵᖓᓂ ᑖᑦᓱᒪ ᐃᓄᑉ ᐅᕝᕙᓘᓐᓃᑦ ᑎᒥᐅᔪᑉ ᐱᓇᓱᐊᕈᑎᒋᒍᒫᕐᓂᐊᕋᓱᐊᕐᑕᖏᓐᓂᒃ:
• ᓱᒃᑫᓕᖓᑎᑦᓯᓚᕿᓚᖓᑉᐸᑦ ᓯᕗᓂᕐᒥ ᐅᓪᓗᒥᓘᓐᓃᑦ ᑭᓪᓕᓯᓂᐊᕐᓂᓂᒃ ᐅᕝᕙᓘᓐᓃᑦ ᑭᓪᓕᓯᓂᐊᕐᓂᐅᔪᒥᒃ ᐅᒃᑯᐃᑕᐅᒋᐊᓪᓚᕆᐊᖃᓚᕿᑎᓪᓗᒍ;
• ᓴᕐᕿᑎᑦᓯᒍᑕᐅᓚᖓᑉᐸᑦ ᐱᐅᓯᕐᓲᑕᐅᒐᔭᖕᖑᐊᑐᒥᒃ ᑭᓪᓕᓯᓂᐊᕐᓂᒥᒃ, ᐃᕐᕋᑎᒋᐊᖃᕋᓂ ᖃᐅᔨᑎᑦᓯᐅᑎᖃᕐᑐᕕᓂᐅᔪᖃᕐᐸᑦ, ᐅᕝᕙᓘᓐᓃᑦ ᐊᐅᓚᑕᐅᒍᒫᕐᓂᐊᑐᓂᒃ ᐸᕐᓇᑕᐅᒪᔪᖃᕐᐸᑦ ᐊᐅᓚᑦᔭᕆᐊᕈᑕᐅᒐᔭᕐᓗᑎᒃ ᐃᓂᓪᓚᓯᒪᔭᐅᓕᕐᑐᑦ ᐊᑑᑎᑦᑌᓕᑎᑦᓯᒪᐅᑎᐅᒍᒫᕐᓂᐊᓱᑎᒃ ᖃᐅᔨᔭᐅᓚᕿᑦᓴᕈᐊᕐᒪᑦ ᐃᔨᕐᑐᐊᕆᔭᐅᔪᒥᓪᓘᓃᑦ ᐱᖁᔭᕐᒥᒃ ᓯᖁᒥᑦᓯᒍᑕᐅᓐᓂᒥᑦᓱᑎᒃ:
• ᐊᑦᑕᓇᕐᑐᒦᑦᑎᓯᓚᕿᒍᑕᐅᓚᖓᑉᐸᑦ ᐃᓄᒻᒥᒃ:
• ᓈᒃᑯᒍᓱᖕᖏᓚᕿᑎᑦᓯᒍᑕᐅᒍᓐᓇᒪᑦ ᐃᓄᒻᒥᒃ ᐱᕕᐅᔪᕕᓂᕐᒥᒃ ᐱᑦᔪᑕᐅᔫᑉ ᒥᑦᓵᓄᑦ ᖃᐅᔨᔭᐅᔪᕕᓂᕐᒧᑦ:
• ᓴᕐᕿᑎᑦᓯᓚᕿᐅᑕᐅᒍᓐᓇᒪᑦ ᐃᓗᓕᖏᓐᓂᒃ ᑐᓴᐅᒪᖃᑎᒌᒍᑏᑦ ᐱᐅᓯᖏᓐᓂᒃ ᐊᑐᕐᑕᐅᒋᐊᓕᕕᓂᕐᓂᒃ ᐃᓄᒻᒧᑦ ᑲᒪᔪᒧᑦ ᐱᖁᔦᑦ ᑲᔪᓯᑎᑕᐅᒋᐊᖃᕐᓂᖏᓐᓄᑦ:
• ᓴᕐᕿᑎᑦᓯᓚᕿᐅᑕᐅᒍᓐᓇᒪᑦ ᖃᐅᔨᒪᔭᐅᒋᐊᓖᑦ ᑐᓴᕐᑕᐅᑎᑕᐅᓐᓂᐸᑕ ᑕᑎᖃᑦᓯᐊᓂᑯᒥᓄᑦ ᐳᓖᓯᒃᑯᓂᒃ ᑯᐯᒃ ᓯᓚᑖᓂ ᐱᔪᓐᓇᐅᑎᖃᕐᒥᔪᓄᑦ:
• ᐃᑲᔪᕐᓯᒪᓚᕿᐅᑕᐅᒍᓐᓇᒪᑕ ᐊᔪᒐᓱᐊᕐᑎᑕᐅᓯᑦᓱᓂ ᑎᒍᔭᐅᒪᔪᖅ: ᐅᕝᕙᓘᓐᓃᑦ
• ᓈᒃᑯᒋᔭᐅᒍᓐᓀᒧᑦ ᐊᑲᐅᓈᕐᓯᒪᑦᓯᐊᑐᒃᑯᑦ ᐃᕐᖃᑐᐃᕕᒻᒦᓂᖓ ᐃᖏᕐᕋᕆᐊᖃᕐᑎᓗᒍ ᐃᓅᑉ ᐱᑦᔪᑕᐅᔫᑉ.