ᐱᓂᕐᓗᓂᐅᓚᐅᕐᑐᖅ ᐃᓅᒍᓐᓀᑐᖃᕐᓱᓂ ᐃᓄᑦᔪᐊᒥ ᔪᓓ 17, 2025-ᒥ
July 18, 2025
ᑰᑦᔪᐊᖅ, ᑯᐯᒃ, ᔪᓓ 18, 2025 – 8:20-ᖑᒐᓚᒻᒥ ᐅᓐᓄᑯᑦ ᓯᑕᒪᖓᓐᓂ, ᔪᓓ 17-ᒥ, ᓄᓇᕕᐅᑉ ᐳᓖᓯᖏᑦᑕ ᐳᓖᓯᖏᑦ ᑭᐅᓚᐅᕐᑐᑦ ᐅᐃᒪᓇᕐᑐᒥᒃ ᐅᖄᓚᔪᒥᒃ ᐅᐯᑦᓱᑎᓪᓗ ᐃᓂᕐᑑᒪᑎᑦᓯᓱᓂ ᐊᓂᑎᑦᓯᑌᓕᔪᒥᒃ ᐅᖄᓚᒍᑕᐅᔪᖃᕐᑎᓗᒍ ᐊᓂᕐᕋᐅᔪᒥ ᐃᓄᑦᔪᐊᒥ.
ᐊᓂᕐᕋᐅᔪᒧᑦ ᐃᑎᕋᒥᒃ ᖃᐅᔨᓴᕆᐊᕐᑐᓱᑎᒃ, ᐳᓖᓰᑦ ᓵᑕᐅᓚᐅᕐᑐᑦ ᐃᓄᒻᒧᑦ ᓴᕕᒃᑲᑐᒧᑦ. ᑎᒍᓯᒐᓱᐊᕐᓱᑎᒃ, ᐳᓖᓰᑦ ᓯᒃᑮᓚᐅᕐᑐᑦ ᖁᑭᐅᑎᒥᓂᒃ, ᖁᑭᕐᓂᓱᑎᒃ ᑌᑦᓱᒥᖓ ᐃᓄᒻᒥᒃ. ᐅᐃᒪᓇᕐᑐᓕᕆᔩᑦ ᐋᓐᓂᐊᕕᓕᐊᕈᑦᔨᓚᐅᕐᑐᑦ ᐃᓄᒻᒥᒃ ᖁᑭᕐᑕᐅᔪᒥᒃ, ᑌᑲᓂᓗ ᑐᖁᓂᖓ ᓇᓗᓀᕐᑕᐅᓱᓂ.
ᐱᖁᔦᑦ ᒪᓕᑦᓱᒋᑦ ᑌᒣᑦᑐᒦᑦᑐᖃᓕᕐᒪᑦ, ᐃᒻᒥᒎᕐᑐᑦ ᐳᓖᓰᑦ ᖃᐅᔨᓴᓲᑦ ᐳᓖᓰᑦ ᐱᓂᕐᓗᓂᖏᓐᓂᒃ (BEI) ᐱᔭᑦᓴᑖᕐᑎᑕᐅᓯᒪᔪᑦ ᖃᐅᔨᓴᕐᓂᒥᒃ ᑖᑦᓱᒥᖓ ᐱᓂᕐᓗᓂᐅᔪᒥᒃ. ᓂᒪᑦᑐᒥᒃ ᐊᑦᔨᓕᐊᕕᓃᑦ ᓱᕐᖁᐃᓯᒍᓐᓇᐅᑏᑦ ᐳᓖᓰᑦ ᐊᑦᔨᓕᐅᕈᑎᖏᓐᓂᑦ ᑎᒥᒥᐅᑕᕐᓂᑦ ᐱᓯᒪᔪᑦ ᐁᑦᑑᑎᐅᓯᒪᔪᑦ ᐃᒻᒥᒎᕐᑐᓄᑦ ᐳᓖᓯᓄᑦ ᖃᐅᔨᓴᓲᓄᑦ ᐳᓖᓰᑦ ᐱᓂᕐᓗᓂᖏᓐᓂᒃ (BEI). ᐳᓖᓰᑦ ᐃᓚᐅᔪᕕᓃᑦ ᕿᑲᕐᑎᑕᐅᔪᑦ ᐊᒻᒪᓗ ᐅᑎᓛᕋᑎᒃ ᐱᓇᓱᐊᓪᓚᕆᓐᓂᒧᑦ ᐅᑕᕐᕿᓂᕐᒥᓂ ᖃᐅᔨᓴᕐᓂᒥᒃ.
ᓄᓇᕕᐅᑉ ᐳᓖᓯᖏᑦ ᐅᖃᐅᓯᑦᓴᖃᕆᐊᓪᓚᓚᖓᖕᖏᑐᑦ ᑭᓇᓕᒫᒃᑯᓅᓕᖓᔪᓂᒃ ᐃᒻᒥᒎᕐᑐᑦ ᐳᓖᓰᑦ ᖃᐅᔨᓴᓲᑦ ᐳᓖᓰᑦ ᐱᓂᕐᓗᓂᖏᓐᓂᒃ ᖃᐅᔨᓴᕐᓂᖓ ᐱᔭᕇᖕᖏᓂᓕᒫᖓᓂ ᐊᒻᒪᓗ ᑐᓴᕐᑎᓯᒍᑎᓕᐅᕇᖕᖏᓂᓕᒫᖏᓐᓂ.