ᒪᕐᕉᒃ ᐃᓅᒃ ᑎᒍᔭᐅᔪᕕᓃᒃ ᐊᒻᒪᓗ ᐃᕐᖃᑐᕋᑦᓴᓕᐊᖑᑦᓱᑎᒃ ᐊᓯᐅᔪᕕᓂᕐᒧᑦ ᑲᖏᕐᓱᐊᓗᒃᔪᐊᒥᐅᒧᑦ

ᑰᑦᔪᐊᖅ– ᓯᑉᑎᒻᐱᕆ 11, 2025 – ᔫᓂ 24-ᖑᑎᓪᓗᒍ ᐊᓯᐅᓂᖓ 31-ᓂ ᐅᑭᐅᓕᐅᑉ ᐊᖑᑎᐅᑉ ᑲᖏᕐᓱᐊᓗᒃᔪᐊᒥᐅᖅ ᑐᓴᕐᑎᓯᒍᑎᐅᓐᓂᖁᖅ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᓐᓄᑦ (NPS) ᕿᓂᕐᓂᖅ. ᐱᒋᐊᕐᑕᐅᓚᐅᔪᕗᖅ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᓐᓄᑦ ᑭᓯᐊᓂ ᐱᓇᓱᐊᕐᓂᖓ ᐁᑦᑑᑎᐅᓚᐅᔪᔪᖅ ᔪᓓ 7-ᒥ ᖃᐅᔨᓴᕐᑎᒪᕆᖏᓐᓄᑦ ᑯᐯᒃ ᐳᓖᓯᖏᑦᑕ ᐃᓄᒻᒥᒃ ᖃᐅᓂᓴᕐᑕᐅᔪᖃᕆᐊᖃᑐᕐᒪᑦ ᖃᐅᔨᓴᕐᑎᐅᓲᑦ (SQ-CAPID)-ᒃᑯᑦ

ᖃᐅᔨᓴᕐᓂᖅ ᐱᒋᐊᕐᑕᐅᓚᐅᔪᔪᖅ SQ-CAPID-ᒃᑯᓄᑦ ᐱᓇᓱᐊᖃᑎᖃᕐᓱᑎᑦ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᓐᓂᑦ (NPS) ᐊᒻᒪᓗ ᓇᓗᓀᕐᓯᓱᑎᑦ ᐃᓄᒻᒥᒃ ᐊᓯᐅᒪᓕᕐᑐᒥᒃ ᔫᓂ 20-ᒥᓂᑦ ᐅᑉᐱᕆᔭᐅᔪᖅ ᐃᓄᐊᕐᑕᕕᓂᐅᒋᐊᖓ.

ᓯᑉᑎᒻᐱᕆ 9-ᒥ, ᖃᐅᔨᓴᕐᑏᑦ ᑎᒍᓯᓚᐅᔪᕗᑦ ᒪᕐᕉᓂᒃ ᐃᓅᓐᓂᒃ ᐱᑐᑦᓯᒪᔫᓐᓂᒃ ᓱᓂᐊᕐᓂᕕᓂᕐᓄᑦ: ᐱᑕ ᓵᓐᑕ, 28, ᑎᒍᔭᐅᔪᕕᓂᖅ ᑰᑦᔪᐊᒥ ᐊᒻᒪᓗ ᓵᓐᑎ ᒥᐊᓱ , 57, ᑎᒍᔭᐅᔪᕕᓂᖅ ᒪᓐᑐᔨᐊᒥ. ᐃᕐᖃᑐᕐᑕᐅᖃᑦᑕᑑᒃ ᐊᒥᓱᓄᑦ ᐃᕐᖃᑐᕋᑦᓴᓄᑦ, ᐃᓚᒋᔭᐅᑎᓪᓗᒍ ᐃᓄᐊᕐᓯᓂᕐᒧᑦ, ᐃᓄᐊᕐᓯᒍᑎᕕᓂᕐᓄᑦ, ᐃᓄᐊᕐᓯᒐᓱᐊᕈᑎᕕᓂᕐᓄᑦ,ᑎᒥᒥᓗ ᐃᓚᖕᖐᓂᕐᒧᑦ. ᑎᒍᔭᐅᒪᓚᖓᔫᒃ ᐅᑕᕐᕿᓂᕐᒥᓂ ᐃᕐᖃᑐᕐᑕᐅᒋᐊᓪᓛᕕᑦᓴᒥᓂᒃ.

ᑐᑭᓯᒋᐊᑦᓯᐊᕈᒪᒍᕕᑦ:
ᑯᐯᒃᒥ ᐳᓖᓰᑦ: Lieut. ᒫᓯᐅ ᐳᓕᐊᓐ
ᐅᖄᓚᐅᑎᖓ: (514) 641-9501; ᖃᕆᑕᐅᔭᒃᑯᑦ ᓯᓚᑎᖓ: mathieu.boulianne@surete.qc.ca

ᓄᓇᕕᒻᒥ ᐳᓖᓰᑦ ᐱᒍᑦᔨᕕᖓ: Capt. ᐸᑎᕆᔅ ᐊᐱᐅᓪ
ᐅᖄᓚᐅᑎᖓ: (438) 969-8923; ᖃᕆᑕᐅᔭᒃᑯᑦ ᓯᓚᑎᖓ: pabel@nunavikpolice.ca