ᑲᑎᕕᐅᑉ ᐳᓖᓯᖏᑦ ᑎᒍᔨᓐᓂᔪᑦ 90-ᓂᒃ ᓲᔪᑦᓴᔭᓂᒃ ᐃᒥᐊᓗᓐᓂᒃ
September 12, 2019
ᓯᑉᑎᒻᐱᕆ 12, 2019-ᒥ, ᐱᖓᓱᑦ ᐃᕐᓯᕖᑦ ᐃᓗᓕᓖᑦ 26-ounce-ᓂᒃ ᕗᑦᑲᓂᒃ ᐃᒥᐊᓗᓐᓂᒃ ᐳᓪᓚᐅᔭᓂᒃ ᑎᒍᔭᐅᓚᐅᕐᑐᑦ ᑲᑎᕕᐅᑉ ᐳᓖᓯᖏᓐᓄᑦ ᐳᕕᕐᓂᑑᑉ ᑎᒻᒥᔫᕐᓂᐊᕕᖓᓂ, ᐃᓄᑦᔪᐊᒧᑦ ᑐᕌᕐᑐᑦ. ᑲᑎᑦᓱᑎᒃ ᓂᐅᕐᕈᑕᐅᓕᕈᑎᒃ $18,000-ᕌᕋᔭᓚᐅᕐᑐᑦ.
ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᕗᑦ ᑐᑭᓯᐅᑎᑦᓴᑖᕐᑎᓯᓂᖅ ᐃᓕᒪᓇᕐᑐᓂᒃ ᐱᓇᓱᐊᕐᑐᖃᕆᐊᖓ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᐃᒥᐊᓗᓐᓂᒃ ᐊᒻᒪᓗ ᐋᖓᔮᓐᓇᑐᓂᒃ ᓂᐅᕐᕈᓭᓃᑦ, ᑐᓴᕐᑕᐅᑎᑕᐅᒍᓐᓇᐳᑦ ᑭᓇᐅᓂᖏ ᑐᓴᕐᑕᐅᑎᑕᐅᓂᐅᔭᕈᓐᓀᓗᑎᒃ Crime Stoppers ᐅᖄᒍᑎᒧᑦ ᐊᑭᖃᖕᖏᑐᒧᑦ ᐅᖃᕈᑕᐅᓗᑎᒃ ᐅᕗᖓ 1-800-711-1800. ᑐᑭᓯᐅᑎᑦᓴᑖᕐᑎᓯᔪᑦ ᐊᑭᓕᕐᑕᐅᒍᓐᓇᓲᑦ $2,000 ᑎᑭᓪᓗᒋᑦ. ᑫᐋᔩᑉ ᑲᑎᒪᔨᖏᑦ ᑰᑦᔪᐊᒥ ᑕᕝᕙᓂ ᐱᓇᓱᐊᕈᓯᕐᒥ ᑐᓴᕐᑎᑕᐅᓚᐅᕐᑐᑦ, ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᖓ ᔮᓐ-ᐱᐊᕐ ᓚᕈᔅᒧᑦ ᐅᓪᓗᒥ ᐃᓱᒪᑕᐅᓂᕐᓄᑦ ᑲᑐᑦᔮᓖᑦ ᐃᖏᕐᕋᑎᑕᖏᑦ ᐱᑦᓯᐊᓂᕐᓴᐅᓚᖓᕙᓗᓕᕐᑐᑦ ᒐᓗᐊᕐᓱᑎᒃ ᑭᓯᐊᓂ ᓯᓚᑐᒍᑕᐅᒋᐊᖃᓚᖓᔪᑦ ᓱᓕ ᐊᒻᒪᓗ ᐃᑉᐱᒍᓱᑦᓯᐊᕈᑕᐅᓗᑎᒃ.