ᓯᑕᒣᑦ ᐯᓯᑰᕐᑐᑦ ᓄᓇᕕᒻᒥ ᑕᕝᕙᓂ ᐊᕐᕌᒍᒥ
July 10, 2018
ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᓯᒪᓕᕐᑐᑦ ᐯᓯᑰᕐᑎᓯᓂᕐᒥᒃ ᓄᓇᓕᓐᓂ ᓄᓇᕕᒻᒥ ᐱᕙᓪᓖᒋᐊᕈᑎᒋᑦᓱᒋᑦ ᑎᒥᒃᑯᑦ ᐃᙯᓕᓴᕐᓂᒥᒃ ᐊᒻᒪᓗ ᐊᕐᖁᑎᒥ ᐊᑦᑕᓀᑦᑐᒦᓐᓂᒥᒃ
ᐯᓯᑰᕐᑎᓯᓂᖃᕐᑎᓗᒋᑦ ᑲᑎᕕᐅᑉ ᐳᓖᓯᖏᑦ, ᐊᑦᔨᒌᖕᖏᑐᑦ ᓵᓚᖃᐅᑎᑖᕆᔭᐅᓯᒪᓕᕐᑐᑦ ᐅᕕᒃᑲᓄᑦ ᐯᓯᑰᖃᑕᐅᔪᓄᑦ, ᐃᓚᐅᑎᓪᓗᒋᑦ ᓵᓚᖃᐅᑎᓄᑦ 100 ᐯᓯᑯᐃᑦ, ᓂᐊᕐᖁᐊᕇᒃᑯᑏᑦ, ᐸᓓᕐᓯᒪᐅᑏᑦ ᐊᒻᒪᓗ ᐳᑦᑕᐅᑏᑦ. ᐅᕕᒃᑫᑦ ᐃᓚᐅᒍᓐᓇᐸᒻᒥᔪᑦ ᐊᒥᓱᐃᓄᑦ ᓱᖃᑦᓯᑎᑦᓯᐅᑎᓄᑦ ᐃᑉᐱᒍᓱᓕᕐᑎᑕᐅᒋᐊᕐᓱᑎᒃ ᐱᓀᓗᑕᐅᕙᑦᑐᓂᒃ ᐋᖓᔮᓐᓇᑐᓄᑦ ᐊᒻᒪᓗ ᐃᒥᐊᓗᒻᒧᑦ, ᐱᓗᐊᕐᑐᒥᒃ ᐃᖏᕐᕋᐅᑎᒥᒃ ᐊᖁᑦᑐᓄᑦ. ᐊᒥᓱᐃᑦ ᓄᓇᕕᒻᒥ ᐃᑲᔪᕐᐸᑐᑦ ᑲᔪᓯᑎᑕᐅᑎᓪᓗᒋᑦ ᑖᒃᑯᐊ ᐱᓇᓱᒉᑦ.
