ᑲᖏᕐᓱᒥ ᐃᒫᕐᑐᖅ
June 7, 2017
ᔫᓂ 2-ᒥ, 8:30 ᐅᓪᓛᑯᑦ ᓴᓂᐊᓂ, ᑲᑎᕕᐅᑉ ᐳᓖᓯᖏᑦ ᓯᕙᓂᕐᑕᐅᓚᐅᔫᑦ ᐃᑲᔪᕐᑕᐅᒍᒪᔪᒧᑦ ᐱᑦᔪᑎᖃᕐᓱᓂ ᐃᓅᒍᓐᓀᑐᒥᒃ ᐅᕕᒃᑲᒥᒃ ᐊᖑᑎᒥᒃ.
ᐃᓄᐃᑦ ᐊᒥᓱᒐᓛᑦ ᑲᖏᕐᓱᒥᑦ ᐊᐅᓪᓚᓚᐅᔫᑦ ᑕᓯᓕᐊᓯᑦᓱᑎᒃ ᕌᐳᑦ ᑕᓯᖓᓄᑦ ᖃᒧᑎᑲᓪᓚᑯᑦ ᐅᖓᓯᓐᓂᓕᒃ 5-ᓂᒃ ᐃᑲᐅᕐᓂᓂᒃ. ᐃᖏᕐᕋᓱᑎᒃ ᖃᒧᑎᑲᓪᓓᑦ ᐃᓚᖓᑦ ᑭᕕᓚᐅᔫᖅ ᓯᑯᒃᑰᓱᓂ 1:00 ᐅᓪᓛᑯᑦ ᓴᓂᐊᓂ 2017-06-02-ᒥ. ᐅᓯᔭᖓ ᓯᑯᒨᕈᓐᓇᓯᔪᕕᓂᖅ ᐳᐃᑦᔪᓱᓂ ᐃᒻᒥᓂᒃ ᐊᓐᓇᑎᑦᓱᓂ, ᑭᓯᐊᓂ ᐊᖁᑦᑐᕕᓂᖅ ᓯᑯᒨᕈᓐᓇᓯᓚᐅᔪᖕᖏᑐᖅ. ᑎᒥᖓ ᑕᑯᔭᐅᓚᐅᔫᖅ ᐃᑲᐅᕐᓂᐅᑉ ᖁᑉᐹ ᐊᓂᒍᕐᑎᓗᒍ ᐊᒻᒪᓗ ᐊᓂᕐᓵᑎᑕᐅᒐᓱᐊᓚᐅᔫᒐᓗᐊᖅ ᑭᓯᐊᓂ ᓱᔭᐅᓚᐅᔪᖕᖏᑐᖅ.