ᐃᒥᐊᓗᒻᒥᒃ ᓂᐅᕐᕈᓯᕐᓂᖅ ᐱᖁᔭ ᓯᖁᒥᑦᓱᒍ ᑰᑦᔪᐊᒥ: ᑎᒍᔭᕕᓃᑦ $13,000 ᑮᓇᐅᔭᑐᐃᓐᓇᐃᑦ ᐳᓖᓯᓄᑦ
June 1, 2021
![](https://www.nunavikpolice.ca/wp-content/uploads/img_7932-1070x1280.webp)
ᒪᐃ 29ᒥ, ᑲᑐᑦᔨᔪᑦ ᓄᓇᕕᒻᒥ ᖃᐅᔨᓴᕐᑏᑦ, ᑯᐸᐃᒃᑯᑦ ᐳᓖᓯᖏᓐᓂᒃ ᐊᒻᒪᓗ ᐃᓐᐲᐃᔅᑯᑦ ᐳᓖᓯᖏᓐᓂᒃ ᐃᓚᓖᑦ, ᕿᓂᕐᓂᖁᑦ ᐃᓪᓗᒥ ᓇᒻᒥᓂᕆᔭᒥ ᑰᑦᔪᐊᒥ. ᕿᓂᕐᓂᖅ ᐱᒍᓐᓇᑎᑕᐅᓐᓂᖁᖅ ᐱᖁᔭᖕᖑᑎᑕᐅᓯᒪᔪᒧᑦ ᓲᓱᑦᓴᓂᕐᒧᑦ ᐊᓐᓂᔭᕐᓂᓄᑦ ᐃᒥᐊᓗᓐᓅᓕᖓᔪᓄᑦ ᐃᒥᕋᕐᓄᑦ. ᕿᓂᕐᓂᖅ ᑎᒍᔨᔭᐅᓚᕿᑎᑦᓯᓱᓂ ᐳᓪᓚᐅᔭᒥᒃ ᕚᑦᑲᒥᒃ, ᐊᒥᓱᒐᓚᓐᓂᒃ ᓂᐅᕕᕈᑎᕕᓂᕐᓂᒃ ᐊᓪᓚᕕᑦᓴᓂᒃ ᐊᒻᒪᓗ $13,000ᓂᒃ ᑮᓇᐅᔭᑐᐃᓐᓇᓂᒃ. ᐊᐱᕐᓱᑕᐅᑦᓱᓂ, ᐃᓪᓗᒥᒃ ᓇᒻᒥᓂᓕᒃ ᖃᐅᔨᓴᕐᑎᓄᒃ ᐅᖃᕐᓂᖁᖅ ᐸᓯᔭᑦᓴᐅᖃᑕᐅᓂᕐᒥᓂᒃ. ᐱᕋᔭᓐᓂᓅᓕᖓᔪᑦ ᐱᓪᓗᒋᑦ ᐊᓪᓚᕕᖓ ᐸᓯᔭᑦᓴᖑᕐᑎᓯᓂᐊᖕᖒᕆᔭᐅᕗᖅ ᐸᓯᔭᑦᓴᐅᓂᕋᕐᑕᐅᒍᑎᖓᑕ ᐊᓪᓚᑕᐅᓯᒪᐅᑎᖏᓐᓂᒃ ᐱᓯᒪᓕᕈᓂ ᖃᐅᔨᓴᕐᑎᓂᑦ.