ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᒪᓂᖓ ᑯᐯᓪᓗ ᐊᖓᔪᕐᖄᖓᑲ ᑐᖓᓕᖓ ᐳᓖᓰᑦ ᓄᓇᕕᒻᒥ ᐱᒍᑦᔨᔩᑦ ᐊᖓᔪᕐᖄᑖᖓ ᑐᓂᔭᐅᑎᓪᓗᒍ/ᐊᖏᕈᑕᐅᑎᓪᓗᒍ ᑲᑎᔪᑦ

ᑲᑎᒪᓂᖃᕐᑎᓗᒍ ᑲᑎᕕᒃ ᓄᓇᓕᒫᑦ ᑲᕙᒪᖓᓂ ᑕᒡᒐᓂ ᐱᓇᓱᐊᕈᓯᕐᒥ, ᐄᐊᓐ ᓚᕕᓂᐅᕐ, ᑯᐯ ᑲᕙᒪᖓᑕ ᐊᖓᔪᕐᖄᑉ ᑐᖓᓕᖓᒪ, ᒫᑭ ᐃᒪᕐᓚᓗ, ᑲᑎᕕᒃᑯ ᐃᑦᓯᕙᐅᑕᖓ (KRG), ᐅᖃᕐᑎᓗᒍ ᔮᓐ ᕗᐊᕋᓐᓱᐊ ᐱᕐᓂᐅᕐ Jean-François (Jeff) Bernier ᓄᓇᕕᒻᒥ ᐳᓖᓯᒃᑯ ᐱᒍᑦᔨᔩᑦ ᐊᖓᔪᕐᖄᑕᖓ(NPS). 

"ᓇᑯᕐᒦᕈᒪᕗᖓ ᑯᐯᒃᑯ ᐊᖓᔪᕐᖄᖓᑕ ᑐᖓᓕᖓᓂ ᓚᕕᕐᓂᐅᕐ Deputy Premier Lafrenière ᐱᓇᓱᐊᖃᑎᖃᕐᓯᒪᒻᒪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᐅᓚᑦᓯᓂᖓᓂ ᔨᐊᕝ ᐱᕐᓂᐅᑉ ᑎᒃᑯᐊᑕᐅᓂᖓᓂ ᓄᓇᕕᒻᒥ ᐳᓖᓯᒃᑯ ᐊᖓᔪᕐᖄᑖᕐᖃᒥᖓ. ᑕᕐᕿᐅᖃᑦᑕᓚᐅᕐᑐᓂ ᐱᕙᓪᓕᓯᒪᓂᕐᓴᐅᓕᕐᑐᓂ ᑕᑯᓐᓇᖃᑦᑕᓚᐅᕋᑦᑕ ᐊᖓᔪᕐᖄ ᐱᕐᓂᐅ ᓄᓇᓕᓐᓂ ᓲᓱᒋᔭᖃᑦᓯᐊᓱᓂ ᐊᕐᕕᑕᕈᒪᓂᖃᕐᓱᓂ ᐳᓖᓰᑦ ᒥᑦᓵᓄ ᐃᓱᒪᒎᕐᑐᓂ ᓈᓚᒍᒪᓂᖃᑦᓯᐊᓱᓂ ᓄᓇᕕᒻᒥ. ᑲᑦᓱᙰᓕᓐᓇᑐ ᐱᒍᒪᓂᖃᑦᓯᐊᓂᖓ ᓄᓇᕕᒻᒥᐅᑦ ᓯᕗᓕᕐᑎᖏᓐᓂ ᐱᓇᓱᐊᖃᑎᖃᕈᒪᓂᖓ ᐊᐳᕈᑕᐊᓲᑦ ᐊᕝᕕᓗᕐᖁᑕᐅᓲ ᐲᔭᖁᒧ ᐊᑦᑕᓇᕐᑐᒦᑦᑎᑦᓯᑌᓕᓂᒃᑯᑦ ᓄᓇᕕᒻᒥᐅᓂ ᓄᓇᓕᖏᓐᓂ."
– ᒫᑭ ᐃᒪᕐᓚ, ᐃᑦᓯᕙᐅᑕᖓ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ

"ᐱᔪᕆᕗᖓ ᐃᓕᒍᑎᓂᒃ ᐅᖃᕐᑎᓯᑫᓐᓇᓂᕋᓂᒃ ᔮᓐ-ᕗᕌᓐᓱᐊ ᐱᐊᕐᓃᒥᒃ ᐊᖓᔪᕐᖃᐅᓂᕐᒧᑦ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᓐᓄᑦ. ᑌᒫᓪᓚᕆᒃ ᓇᓗᓀᕈᑎᒥᒃ ᑕᑯᓐᓇᓇᑫᓐᓇᑐᖅ ᑕᒪᑐᒧᒪ ᓇᓪᓕᐅᓂᖓ ᐊᑐᕐᑕᐅᑎᓪᓗᒍ ᓄᓇᓕᓕᒫᓄᑦ ᑲᑎᒪᔩᑦ ᓵᖓᓂ, ᐊᒻᒪᓗ ᐊᑦᑐᑕᐅᑫᓐᓇᖁᖓ ᑐᓵᑦᓱᖓ ᐅᖃᐅᓯᑦᓴᖏᓐᓂᒃ ᒥᔅᑕ ᐱᐊᕐᓃ ᓯᕗᓕᕐᓂᖓᑕ ᒥᑦᓵᓄᑦ. ᐱᐅᑦᓴᐳᖓ ᒥᔅᑕ ᐱᐊᕐᓃ ᐳᓚᕋᖃᑦᑕᓯᖓᓂᒃ ᐃᓘᓐᓇᖏᓐᓂᒃ 14-ᓂᒃ ᓄᓇᓕᓐᓂᒃ ᐊᒻᒪᓗ ᐱᕈᕐᑎᓯᒋᐊᖃᓯᒪᓂᖓᓂᒃ ᒪᓗᒋᔭᐅᖕᖏᓂᕐᒥᒃ ᓄᓇᓕᓐᓄᑦ ᐱᒍᑦᔭᒥᓄᑦ."
– ᐄᐊᓐ ᓚᕕᕐᓂᐅᕐ, ᑯᐯᒥ ᐊᖓᔪᕐᖄᖓᑕ ᑐᖓᓕᖓ, ᑐᕐᖃᑕᕐᕕ ᐃᓄᓕᒫᕐᓯᐅᑎᓂ ᐊᑦᑕᓇᕐᑐᒦᑦᑎᑦᓯᑌᓕᓂᕐᒥ, ᑐᕐᖃᑕᕐᕕᐅᒥᑦᓱᓂ ᐊᓪᓚᓅᓕᖓᔪᓂ ᐃᓄᑐᐃᓐᓇᓄᓗ

"ᑐᓂᓯᒪᓂᕆᓚᖓᔭᕋ ᓄᓇᕕᒻᒥ ᐳᓖᓯᒃᑯᑦ ᐱᒍᑦᔨᔨᖏᓐᓄ ᐊᖓᔪᕐᖄᖑᓂ ᓲᓲᒋᔭᖃᑦᓭᓇᑦᓯᐊᓂᕐᒥ, ᐃᓪᓕᕆᔭᐅᔪᓂ ᐃᓚᑦᔪᒍᓱᓐᓂᒥ ᐳᓖᓰᑦ ᐱᒍᑦᔨᓂᕐᑕᖃᕐᑎᓗᒍ ᓄᓇᕕᒻᒥᐅᓕᒫᑦ ᐊᑦᑕᓇᕐᑐᒦᑦᑎᑌᓕᓪᓗᒋᑦ, ᓴᐳᒻᒥᔨᐅᓗᖓ ᐱᒍᑦᔨᔨᐅᓗᖓ. ᓄᓇᕕᒻᒥᐅᑦ ᓯᕗᓕᕐᑎᖏᓐᓂ ᐃᓄᓐᓂ ᐱᓇᓱᐊᖃᑎᖃᓚᖓᒋᐊᒥ ᓂᕆᐅᒋᔭᖃᕐᖁᖓ ᐳᓖᓯᒃᑯ ᑕᑎᒋᔭᐅᒍᓐᓇᕆᐊᖏᓐᓂ ᑕᑯᑦᓴᐅᑎᑦᓯᓗᖓ, ᓄᑖᒥ ᑐᖕᖓᕕᓕᐅᕐᓗᑕ ᓴᐳᒻᒥᓂᐅᓂᐊᕐᑐᓂ ᓄᓇᕕᒻᒥᐅᓂ ᐱᓗᑲᓐᓃ ᐃᑯᓪᓚᒋᐊᖁᒧ ᐱᖁᔭᕐᓂᓗ ᖄᖏᓐᓈᓂ ᓄᖑᑉᐸᓕᐊᖁᒧᑦ."
– ᔮᓐ ᕗᕌᓐᓱᐊ ᐱᕐᓂᐅ, ᓄᓇᕕᒻᒥ ᐳᓕᓰᑦ ᐱᒍᑦᔨᔩᑦ ᐊᖓᔪᕐᖄᖓ