ᐃᒥᐊᓗᒻᒥᒃ ᓂᐅᕐᕈᓯᕐᓂᖅ ᐱᖁᔭ ᓯᖁᒥᑦᓱᒍ ᑰᑦᔪᐊᒥ: ᑎᒍᔭᕕᓃᑦ $13,000 ᑮᓇᐅᔭᑐᐃᓐᓇᐃᑦ ᐳᓖᓯᓄᑦ
June 1, 2021
ᒪᐃ 29ᒥ, ᑲᑐᑦᔨᔪᑦ ᓄᓇᕕᒻᒥ ᖃᐅᔨᓴᕐᑏᑦ, ᑯᐸᐃᒃᑯᑦ ᐳᓖᓯᖏᓐᓂᒃ ᐊᒻᒪᓗ ᐃᓐᐲᐃᔅᑯᑦ ᐳᓖᓯᖏᓐᓂᒃ ᐃᓚᓖᑦ, ᕿᓂᕐᓂᖁᑦ ᐃᓪᓗᒥ ᓇᒻᒥᓂᕆᔭᒥ ᑰᑦᔪᐊᒥ. ᕿᓂᕐᓂᖅ ᐱᒍᓐᓇᑎᑕᐅᓐᓂᖁᖅ ᐱᖁᔭᖕᖑᑎᑕᐅᓯᒪᔪᒧᑦ ᓲᓱᑦᓴᓂᕐᒧᑦ ᐊᓐᓂᔭᕐᓂᓄᑦ ᐃᒥᐊᓗᓐᓅᓕᖓᔪᓄᑦ ᐃᒥᕋᕐᓄᑦ. ᕿᓂᕐᓂᖅ ᑎᒍᔨᔭᐅᓚᕿᑎᑦᓯᓱᓂ ᐳᓪᓚᐅᔭᒥᒃ ᕚᑦᑲᒥᒃ, ᐊᒥᓱᒐᓚᓐᓂᒃ ᓂᐅᕕᕈᑎᕕᓂᕐᓂᒃ ᐊᓪᓚᕕᑦᓴᓂᒃ ᐊᒻᒪᓗ $13,000ᓂᒃ ᑮᓇᐅᔭᑐᐃᓐᓇᓂᒃ. ᐊᐱᕐᓱᑕᐅᑦᓱᓂ, ᐃᓪᓗᒥᒃ ᓇᒻᒥᓂᓕᒃ ᖃᐅᔨᓴᕐᑎᓄᒃ ᐅᖃᕐᓂᖁᖅ ᐸᓯᔭᑦᓴᐅᖃᑕᐅᓂᕐᒥᓂᒃ. ᐱᕋᔭᓐᓂᓅᓕᖓᔪᑦ ᐱᓪᓗᒋᑦ ᐊᓪᓚᕕᖓ ᐸᓯᔭᑦᓴᖑᕐᑎᓯᓂᐊᖕᖒᕆᔭᐅᕗᖅ ᐸᓯᔭᑦᓴᐅᓂᕋᕐᑕᐅᒍᑎᖓᑕ ᐊᓪᓚᑕᐅᓯᒪᐅᑎᖏᓐᓂᒃ ᐱᓯᒪᓕᕈᓂ ᖃᐅᔨᓴᕐᑎᓂᑦ.