ᐋᖓᔮᓐᓇᑐᐃᑦ ᓂᐅᕐᕈᑕᐅᓂᖏᑦᑕ ᖃᐅᔨᔭᐅᓂᖏᑦ ᑰᑦᔪᐊᒥ

ᐆᒃᑑᐱᕆ 12, 2022-ᖑᑎᓪᓗᒍ, ᓄᓇᕕᒻᒥ ᖃᐅᔨᓴᕐᑎᖏᑦ, ᑲᑐᑦᔨᖃᑎᒌᑦᓱᑎᒃ ᓄᓇᕕᒻᒥ ᐳᓖᓯᒃᑯᑦ ᐱᒍᑦᔨᔨᖏᑦ ᐊᒻᒪᓗ ᑯᐯᒃᒥ ᐳᓖᓯᒃᑯᑦ, ᐋᖓᔮᓐᓇᑐᐃᑦ ᓂᐅᕐᕈᑕᐅᓲᖑᓂᖏᓐᓂᑦ ᖃᐅᔨᔪᕕᓃᑦ ᑰᑦᔪᐊᒥ. ᒪᕐᕉᒃ ᐃᓪᓘᒃ ᐊᒻᒪᓗ ᒪᕐᕉᒃ ᓂᐅᕐᕈᓭᕖᑦ ᕿᓂᕐᕕᐅᔪᕕᓃᑦ. ᔮᓱᐊ ᐳᒥᐊᕐᓚᐅ, 26-ᓂᑦ ᐅᑭᐅᓕᒃ ᑰᑦᔪᐊᒥᐅᖅ ᑎᒍᔭᐅᔪᕕᓂᖅ ᐋᖓᔮᓐᓇᑐᓂᒃ ᓂᐅᕐᕈᑎᖃᖃᑦᑕᓂᑯᖓᓄᑦ ᐊᓂᕐᕋᒥᓂ, ᐳᒥᐊᕐᓚᐅ ᐊᕐᖁᑎᒋᔭᖓᓂ. ᐳᓖᓯᒃᑯᑦ 130 ᑯᕌᒻᓂᒃ ᑎᒍᓯᔪᕕᓃᑦ ᑰᑫᓐᓚᔭᐅᔪᒥᒃ ᐊᐳᑎᒥᒃ, 560 ᐄᒐᓐᓂᒃ ᓄᓪᓚᖓᒍᑎᑦᓴᔭᓂᒃ methamphetamines ᐊᒻᒪᓗ 2 ᓇᓗᓀᕐᑕᐅᓯᒪᖕᖏᑐᐃᑦ ᖁᑭᐅᑏᒃ. ᓄᓇᒃᑰᔫᖓ ᑎᒍᔭᐅᓚᕿᓐᓂᒥᔪᖅ ᐅᐃᕖᕐᕆᓯᒍᑎᐅᓐᓂᒥᕋᒥ ᓇᒻᒥᓂᒋᔭᐅᑦᓱᓂ. ᐱᖓᔪᒋᑦᓱᒍ ᐊᕐᕌᒎᓚᐅᔪᒥ ᐱᒋᐊᕐᑎᓗᒍ ᖃᐅᔨᓴᕐᑏᑦ ᑎᒍᓯᔪᕕᓃᑦ ᐳᒥᐊᕐᓚᐅᒥᒃ ᐋᖓᔮᓐᓇᑐᓂᒃ ᓂᕐᕈᓯᖃᑦᑕᓂᑯᖓᓄᑦ. ᐳᒥᐊᕐᓚᐅ ᑎᒍᔭᐅᒪᖏᓐᓇᑐᖅ ᐃᕐᖃᑐᕐᑕᐅᓂᑦᓴᖓᓄᑦ ᑎᑭᐅᑎᓪᓗᒍ.

ᐃᑲᔪᕐᑎᕕᓂᖓ ᑎᒍᔭᐅᓐᓂᒥᔪᖅ ᐋᖓᔮᓐᓇᑐᓂᒃ ᓂᐅᕐᕈᑎᖃᕐᓂᕕᓂᕐᒥᓄᑦ. ᑖᓐᓇ ᐸᓯᔭᐅᒪᔪᖅ ᐊᓂᑎᑕᐅᔪᕕᓂᖅ ᑎᒍᔭᐅᒪᕕᒻᒥ ᐃᕐᖃᑐᐃᕕᒻᒧᑦ ᓄᐃᕆᐊᖃᓛᕐᓱᓂ. ᐱᖓᔪᖓᑦ ᐃᑲᔪᕐᓂᐊᖒᕆᔭᕕᓂᖅ ᑎᒍᔭᐅᓐᓂᒥᔪᖅ ᐊᓂᑎᑕᐅᑦᓱᓂᓪᓗ ᐸᓯᔭᐅᒪᒐᓂ.

ᑐᑭᓯᒋᐊᑦᓯᐊᕈᒪᒍᕕᑦ ᐋᖓᔮᓐᓇᑐᐃᑦ ᓂᐅᕐᕈᑎᐅᓲᖑᓂᖏᓐᓄᑦ ᐅᕝᕙᓘᓐᓃᑦ ᐃᒥᐊᓗᐃᑦ, ᑭᓇᐅᓃᑦ ᖃᐅᔨᒪᔭᐅᖕᖏᑎᓪᓗᒍ ᐊᓪᓚᕕᖃᕈᓐᓇᖁᑎᑦ ᐅᕗᖓ tips@nunavikpolice.ca