ᓄᓇᕕᒻᒥ ᐳᓖᓰᑦ ᐱᒍᑦᔨᒍᑎᖏᑦ ᐁᑦᑐᑕᐅᕗᑦ ᑯᐯᒃᒥ ᐃᓕᑕᕐᓯᒍᑎᒥᒃ ᐃᑦᔭᕋᑦᓴᓯᐊᖑᓂᖏᓐᓄᑦ ᖃᐅᔨᓴᕐᓂᓂ ᐱᓇᓱᑦᑕᒥᓄᑦ
ᒫᓐᓇᖃᒻᒥᐅᓚᐅᕐᑐᖅ 27-ᒋᓕᕐᑕᖓᓂ ᐊᕐᕌᒍᑕᒫᕐᓯᐅᑎᒥᒃ ᑲᑎᖕᖓᓂᕐᔪᐊᖓᓂ ᑯᐯᒃᑯᑦ ᐳᓖᓯᖏᑦᑕ ᐊᖓᔪᕐᖄᖏᑦᑕ, (l’Association des directeurs de police du Québec, ADPQ-ᖑᓂᕋᕐᑕᐅᔪᑦ), ᓄᓇᕕᒻᒥ ᐳᓖᓰᑦ ᐱᒍᑦᔨᒍᑎᖏᑦ ᐃᓚᒋᔭᐅᓐᓂᖁᑦ ᐊᒥᓱᒐᓚᓐᓄᑦ ADPQ-ᑯᑦ ᐃᓕᑕᕐᓯᓂᖃᕐᑎᓗᒋᑦ ᐱᓇᓱᑦᓯᐊᓂᕕᓂᕐᓂ ᖃᐅᔨᓴᕐᓂᓂ.
ᑌᔭᐅᒍᓯᖓ The Plutonium Project, ᐊᒥᓱᐃᑦ ᓄᓇᓂ ᐊᑦᔨᒌᖕᖏᑐᓂ ᐱᓯᒪᔪᐃᑦ ᐱᓇᓱᑦᑎᖏᑦ ᐃᓚᐅᑦᓱᑎᑦ ᖃᐅᔨᓴᕐᓂᓄᑦ ᐱᓇᓱᑦᑎᖏᑦ ᓄᓇᕕᒻᒥ ᐳᓖᓰᑦ ᐱᒍᑦᔨᒍᑎᖏᑦ, ᑯᐯᒃ ᓄᓇᖁᑎᖓᓂ ᐳᓖᓯᖏᑦ, ᑯᐯᒃ ᓄᓇᖁᑎᖓᓂ ᐱᓂᕐᓗᒪᕆᓐᓂᓂ ᑲᒪᔩᑦ ᐊᒻᒪᓗ ᐱᓪᓗᑯᒋᐊᓕᑎᒍᕐᑐᓕᕆᔩᑦ ᐊᓪᓚᕕᖓ, ᐊᒻᒪᓗ ᐊᒥᓱᓂᒃ ᓄᓇᓕᓐᓂᒃ ᑲᒪᔪᑦ ᐳᓖᓯᖏᑦ Richelieu–Saint-Laurent. ᑲᒪᒋᔭᖃᕐᓱᑎᑦ ᐊᒥᓱᒻᒪᕆᓂᒃ ᐱᖁᔭᓂᒃ ᓱᒃᑯᐃᓱᑎᑦ ᓂᐅᕕᖃᐊᑦᓴᖃᓲᓂᒃ ᐊᒻᒪᓗ ᐋᖓᔮᓐᓇᑐᒥᒃ ᓂᐅᕕᐊᑦᓴᖃᓲᓂᒃ ᓄᓇᕕᒻᒥ ᓄᓇᓕᖏᓐᓂ ᑯᐯᒃ ᐅᑭᐅᕐᑕᑐᖓᓂ.
ᐊᕐᕌᒍᕐᓂ ᐊᓂᒍᕐᖃᒥᓂ ᓄᓇᕕᒻᒥ ᐅᓄᕐᓯᓚᕆᑦᓯᒪᕗᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓗ ᓂᐅᕕᐊᑦᓴᖃᕐᓃᑦ ᑎᑭᖃᑦᑕᑐᓂᒃ ᓄᓇᖁᑎᖓᓂ 14ᓄᑦ ᓄᓇᓕᓐᓄᑦ. ᓄᓇᓕᐊᕈᕐᓂ ᓯᕗᓕᕐᑎᖏᑦ ᐅᖃᓕᕐᕿᑖᓯᒪᓕᕐᖁᑦ ᐃᓕᒪᓇᕐᓂᖓᓂᒃ ᓱᕐᕋᑕᐅᒍᑎᖏᓐᓂᒃ ᑕᒪᒃᑯᐊ ᐊᑑᑎᔭᐅᓂᖏᓐᓂᒃ ᐃᓗᓯᖏᓐᓂᒃ ᖃᓄᐃᖕᖏᓯᐊᕐᓂᖏᓐᓂᓗ ᓄᓇᓕᖏᓐᓂ, ᐱᓗᐊᕐᑐᒥᒃ ᐃᓅᓱᑦᑐᓄᑦ ᓄᓇᓕᒻᒥᐅᓄᑦ ᐅᓄᕐᓂᐸᐅᔪᓂ ᓄᓇᕕᒻᒥ ᐃᓄᖁᑎᖏᓐᓂ.
ᐱᓇᓱᑦᑎᖏᑦ ᖃᐅᔨᓴᕐᓂᓂ ᐱᓇᓱᑦᑕᖏᑦ ᓄᐃᑦᓯᒍᑎᐅᓐᓂᖁᖅ ᓱᕐᕋᑕᐅᓪᓚᕆᓐᓂᖏᓐᓂᒃ ᐃᑎᕐᑕᑐᓂᒃ ᐊᒻᒪᓗ ᐱᖁᔭᓂᒃ ᓱᒃᑯᐃᔪᓂᒃ ᐋᖓᔮᓐᑐᓂᒃ ᓄᓇᕕᐅᑉ ᓄᓇᓕᖏᓐᓅᖃᑦᑕᓂᐊᕐᑐᓂᒃ ᐊᑯᓂᒐᐅᓂᐊᕐᑐᒥ. ᖃᐅᔨᓴᕐᓂᓂ ᐱᓇᓱᑦᑕᐅᔪᓂ ᐃᓚᖃᕐᓂᖁᑦ ᕿᓄᕕᖃᕐᓂᓂᒃ ᓇᐅᓕᒫᓄᑦ ᐃᑲᔪᕐᓯᔭᐅᒍᒪᓂᕐᓂᒃ ᐊᒻᒪᓗ ᑐᓴᕐᑎᑕᐅᒍᒪᓂᕐᓂᒃ ᒪᓗᓐᓇᑐᓂᒃ ᐱᖁᔭᓂᒃ ᓱᒃᑯᐃᔪᓂᒃ ᐱᐅᓯᐅᔪᓂᒃ. ᓄᓇᕕᒻᒥ ᐳᓖᓰᑦ ᐱᒍᑦᔨᒍᑎᖏᑦ ᑐᓴᕐᑎᑕᐅᒍᓐᓇᖁᑦ ᐅᕙᓂ tips@nunavikpolice.ca ᐃᓚᒋᔭᐅᓐᓂᖁᖅ ᑎᑭᑎᑦᓯᕕᐅᖃᑦᑕᓱᑎᑦ ᑐᑭᓯᒪᔭᐅᒋᐊᓕᓐᓂᒃ, ᐳᓖᓰᓗ ᐊᔪᐃᓐᓇᕈᑎᖏᑦ ᓄᐃᑲᑎᑕᐅᓐᓂᖁᑦ Québec media.
“ᓇᑯᕐᓴᒪᕆᒃᑯᖓ ᓄᓇᕕᒻᒥ ᐳᓖᓰᑦ ᐱᒍᑦᔨᖑᑎᖏᓐᓂᒃ ᖃᐅᔨᓴᕐᓂᓂ ᐱᓇᓱᑦᑎᖏᓐᓂ ᑐᓂᒪᑦᓯᐊᓂᖏᓐᓄᑦ ᐊᒻᒪᓗ ᓱᕐᕃᓂᖃᑦᓯᐊᑐᓂᒃ ᐃᑲᔪᕐᓯᖑᑎᖏᓐᓂᒃ ᐱᒻᒪᕆᒻᒥᒃ ᓄᐃᑦᓯᓂᖏᓐᓄᑦ ᐱᒍᓐᓇᓯᑦᓱᑎᑦ ᐊᒥᓱᐃᓄᑦ ᐱᒍᑦᔨᕕᓄᑦ ᐱᓇᓱᑦᑕᐅᔪᑎᒍᑦ. ᑖᓐᓇ ᐃᓕᑕᕐᓯᒍᑎᒃ ᓈᒻᒪᓈᑦᓯᐊᑐᖅ. ᓄᓇᕕᒻᒥ ᐳᓖᓰᑦ ᖃᐅᔨᒍᑎᑦᓯᐊᓂᒃ ᑐᓴᕐᑎᓯᓐᓂᒪᑕ ᓱᓇᐅᓂᖏᓐᓂᓗ ᐃᓗᓕᖏᓐᓂᒃ ᑐᑭᑖᕈᓐᓇᓯᒍᑎᐅᑦᓱᑎᑦ ᑲᒪᒋᔭᖃᕐᓂᓂᒃ ᐱᖁᔭᓂᒃ ᓱᒃᑯᐃᔪᓂᒃ ᓵᑕᑦᓴᖑᕈᑎᖕᖑᓱᑎᑦ ᖃᓄᐃᓕᒋᐊᕐᑕᐅᒍᓐᓇᓯᒍᑎᐅᑦᓱᑎᓗ.” - ᔭᖕ-ᕗᕋᓐᓱᐊ ᐱᕐᓂᔨ, ᐊᖓᔪᕐᖄᒪᕆᒃ ᐳᓖᓯᓂ
ᔪᖃᓐ ᐴᓱᓚᐃ, ᐊᖓᔪᕐᖄᖅ ᑯᐸᐃᒃᑯᑦ ᐳᓖᓯᖏᑦ; ᑎᐃᕆ ᕙᓕᐊᕐ, ᐊᖓᔪᕐᖄᖅ, ᑯᐸᐃᒃᒥ ᐳᓖᓰᑦ ᐊᖓᔪᕐᖄᖏᑦᑕ ᑲᑐᑦᔨᖃᑎᒌᓐᓂᖓ; ᑎᑎᐃ ᑎᕋᒧ, ᑐᑭᒧᐊᑦᑎᓯᔨᒻᒪᕆ, ᑯᐸᐃᒃᒥ ᐳᓖᓰᑦ ᑐᑭᒧᐊᑦᑎᓯᔨᖏᑦᑕ ᑲᑐᑦᔨᖃᑎᒌᓐᓂᖓ; ᔮ-ᕙᕌᓱᐊ ᐱᐊᕐᓂᐃ, ᐊᖓᔪᕐᖄᖅ, ᓄᓇᕕᒻᒥ ᐳᓖᓰᑦ;
ᒪ(ᕐ)ᑯ ᑲᕆᐃ, ᐊᖓᔪᕐᖄᖅ, ᕆᓱᓕᐅ-ᓴᐃ-ᓚᐅᕌ ᓄᓇᓕᐅᖃᑎᒌᑦ ᐳᓖᓯᖏᑦᑕ ᑲᑎᒪᔨᖏᑦ; ᒪᓅ ᐅᐃᓕᑦ, ᑐᑭᒧᐊᑦᑎᓯᔨᒻᒪᕆᐅᑉ ᑐᖓᓕᖓ, ᑯᐸᐃᒃᒥ ᐳᓖᓰᑦ ᑐᑭᒧᐊᑦᑎᓯᔨᖏᑦᑕ ᑲᑐᑦᔨᖃᑎᒌᓐᓂᖓ