ᐊᐅᓚᑦᓯᓂᕐᒥ ᐱᓇᓱᐊᖃᑎᒌᑦ
ᓄᓇᕕᒻᒥᐅᑦ ᐱᓇᓱᖃᑎᒃᑲᓗ,
ᐅᐱᒍᓱᒃᑯᖓ ᐱᓇᓱᓯᒋᐊᒥᒃ ᐊᖓᔪᕐᖄᖑᓂᕐᒥᒃ ᐳᓖᓯᓂᒃ ᓄᓇᕕᒻᒥ ᐱᒍᑦᔨᕕᖓᓂ ᓯᕗᓂᑦᑎᓂ ᐊᕐᕌᒍᓚᖓᔪᓂ.
ᑐᓂᒪᑦᓯᐊᖁᖓ ᓯᕗᓕᕐᓂᐊᓗᖓ ᐱᑦᔪᑎᑦᓯᐊᖃᕐᓗᖓ ᐃᓄᑦᑕᖏᓐᓂᒃ ᐃᑉᐱᒍᓱᑦᓯᐊᓗᖓᓗ, ᑐᓂᒪᑦᓯᐊᓱᖓ ᓈᓚᓐᓂᐊᓂᕋᓂᒃ, ᓴᐳᑦᔨᓂᕐᒥᒃ, ᐱᓇᓱᖃᑎᖃᕐᓂᒥᓗ ᐃᓕᓐᓂᒃ ᓵᖕᖓᓯᖃᑎᒌᓪᓗᑕ ᑖᒃᑯᓂᖓᑦᓭᓇᖅ ᐱᓀᓗᑕᓂᒃ ᐱᓇᓱᐊᕈᑎᖃᕐᓗᑕ. ᐅᑉᐱᕆᔭᖃᕐᖁᖓ ᐱᒋᐅᒍᓐᓇᓯᑦᓯᐊᓂᐊᕋᑦᑕ ᐱᓇᓱᖃᑎᒌᓪᓗᑕ. ᑖᓐᓇ ᐅᑉᐱᕈᓯᖅ ᐅᑉᐱᕆᕙᕋ ᐱᓇᓱᓐᓂᕋᓂ: ᐱᓇᓱᖃᑎᒌᑦᑑᓱᑕ ᐊᑕᐅᓯᐅᑦᔨᓱᑕ ᑐᖕᖓᕕᖃᕐᓱᑕ ᐅᒃᑯᐃᖔᕐᓂᒥᒃ ᓲᓱᑦᓴᓂᕐᒥᒃ, ᐱᑦᓯᐊᓂᕐᒥᒃ, ᓴᐱᕐᑌᑐᓂᕐᒥᒃ, ᐅᐱᒍᓱᓐᓂᒥᓗ.
ᐱᓇᓱᓐᓂᕆᓯᒪᔭᒃᑲ ᖃᐅᔨᒪᔪᒻᒪᕆᕈᒍᓐᓇᓯᑎᑦᓯᓯᒪᕗᑦ ᖃᐅᔨᓴᕐᓂᓂᒃ, ᐊᐅᓚᑦᓯᓂᕐᒥᒃ, ᐃᓂᕐᕋᑎᑦᓯᒋᐊᕐᓂᒥᒃ, ᖃᓄᐃᓗᕈᓯᕐᓂᒃ ᐊᐅᓚᑦᓯᓂᕐᒥᒃ. ᐅᑉᐱᕆᔭᖃᓪᓚᕆᒃᑯᖓ ᐃᓚᐅᑎᑦᓯᓂᕐᒥᒃ ᐊᒻᒪᓗ ᓄᓇᓕᒻᒧᑦ ᐊᐅᓚᑕᐅᔪᓂᒃ ᓯᕗᓕᕐᓂᒥᒃ, ᓯᕗᓕᕐᓂᒥᒃ ᓄᐃᑦᓯᔪᒥᒃ ᐱᓇᓱᖃᑎᒌᑦᓯᐊᓂᕐᒥᒃ ᐊᒻᒪᓗ ᐱᒍᓐᓇᓯᑎᑦᓯᓂᕐᒥᒃ ᐱᓇᓱᑦᓯᐊᑐᓂᒃ ᐱᓇᓱᖃᑎᒌᑦᑐᓂᒃ ᑐᓂᒪᑦᓯᐊᑐᓂᒃ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᒻᒪᓗ ᐱᒍᑦᔨᓗᑎᒃ ᐱᑦᓯᐊᑐᒥᒃ ᓄᓇᕕᒻᒥᐅᓂᒃ ᓄᐃᑕᑦᓯᐊᓂᖃᕐᓗᓂ, ᓱᓕᑦᓯᐊᓂᕐᒥᒃ, ᐊᒻᒪᓗ ᐅᑉᐱᕆᔭᖃᑦᓯᐊᓂᕐᒥᓗ.
ᐱᔭᕇᕐᓗᖓ, ᐱᓇᓱᖃᑎᖃᑦᓯᐊᓂᐊᕐᖁᖓ ᐃᓄᓐᓂᒃ ᓯᕗᓕᕐᑎᕗᓐᓂᒃ ᓄᓇᓕᓕᒫᓂ ᑲᑎᖕᖓᔨᖏᓐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ, ᐳᕐᑐᓂᕐᓭᑦ ᑲᑎᖕᖓᔨᖏᓐᓂᓗ ᐊᒻᒪᓗ ᑲᒪᔨᒻᒪᕆᐅᑉ ᐊᓪᓚᕕᖓᓂᒃ, ᑲᔪᓯᑦᓯᐊᑐᒥᒃ ᓲᖑᓯᕙᓪᓕᐊᓗᑕ ᐊᒻᒪᓗ ᐱᐅᓯᐅᒥᑎᑦᓯᓗᑕ ᐳᓖᓰᑦ ᐱᒍᑦᔨᒍᑎᖏᓐᓂᒃ ᓄᓇᕕᒻᒥ. ᑲᑐᑦᔨᖃᑎᖃᕐᓂᐊᕆᕗᖓ ᒪᑭᕝᕕᑯᓂᒃ ᐊᕐᖁᑎᒋᓗᒍ ᑲᑎᖕᖓᔨᐅᖃᑎᒌᓐᓂᖅ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖓᓂᒃ ᑲᑎᖕᖓᔨᖏᓐᓂᒃ, ᐊᒻᒪᓗ ᑐᓂᒪᑦᓯᐊᖏᓐᓇᖁᖓ ᑲᔪᓯᑎᑦᓯᓗᖓᓗ ᑲᔪᓯᐅᒐᑦᓯᐊᑐᒥᒃ, ᐃᓚᐅᑎᑦᓯᖏᓐᓇᓂᕐᒥᒃ ᓄᓇᓕᒻᒥᒃ ᓯᕗᓕᕐᑐᓂᒃ ᓄᓇᓕᓕᒫᓂ.
ᐊᑦᓱᓀ,
ᔨᐊᕝ
Jean-François Bernier, Chief of Police