ᐊᐅᓚᑦᓯᓂᕐᒥ ᐱᓇᓱᐊᖃᑎᒌᑦ

ᓄᓇᕕᒻᒥᐅᓄ ᑐᕌᕐᑐᖅ ᐱᓇᓱᐊᖃᑎᒋᓲᒃᑲᓄᓗ,

ᐅᐱᒋᔭᖃᒻᒪᕆᑦᑐᖓ ᒫᓐᓇᐅᓂᖓᓂ ᐳᓖᓯᓄ ᐊᖓᔪᕐᖄᒋᔭᐅᓚᖓᒋᐊᒥ ᓄᓇᕕᐅᑉ ᐳᓖᓯᑦ ᐱᒍᑦᔨᔨᖏᓐᓄ. ᑐᒪᓐᓇ ᑐᕌᒐᓕᐊᖑᓯᒪᔪ ᕿᒥᕐᕈᒋᐊᑦᓯᐊᓚᕿᓐᓇᒪ ᓲᖑᔪᒥ ᑐᓂᓯᒪᓂᕐᒥ ᐱᓇᓱᐊᖃᑎᒌᓐᓃ ᑲᔪᓯᒋᐊᓖᑦ ᐊᑦᑕᓀᑦᑐᒦᑦᑎᓯᑦᑌᓕᓃ ᑎᒥᐅᔪᖁᑎᒐᓴᕗ ᐱᓇᓱᐊᖃᑎᕗ, ᑯᐯ ᓯᑎᒥ ᐳᓖᓰᑦ ᐱᒍᑦᔨᔨᖏᑦ (SPVQ), ᐊᒻᒪᓗ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᑦ NPS.

ᑕᒪᓐᓇ ᑐᕌᒐ, ᐅᕙᓐᓄᓕ, ᐃᓕᑦᓯᐸᓪᓕᐊᓂᕆᓚᖓᔭᕋ ᑕᕐᕋᒥᐅᑦ ᖃᐅᑕᒫᕐᓯᐅᑎᖏᑦ ᐱᓇᓱᖃᑎᖃᕐᓗᖓ ᐃᓕᑦᓯᓂ, ᓲᓱᑦᓴᖃᑦᑕᐅᑎᓂᕐᑕᖃᑦᓯᐊᓗᑕ ᐅᑉᐱᕆᔭᖃᑦᓯᐊᓗᑕᓗ. ᓄᓇᕕᐅᑉ ᓄᓇᑐᓕᕐᓂᖓ ᐊᖏᔪᑲᓪᓚᐅᒪ ᐃᒪᕐᐱᕆᑦᑑᓱᓂ, ᓄᓇᓖᑦ ᐊᑦᓱᐃᑑᑦᓱᑎ . ᑕᒫᓂ, ᐳᓖᓰᑦ ᐱᓇᓱᐊᕐᓂᖏ ᐃᓗᐃᑦᑐᓯᐊᒥ ᑐᑭᖃᕐᓱᓂ; ᖃᓂᑦᑕᕇᓐᓂ ᐱᓇᓱᐊᕐᓂᑎᓐᓂ, ᐊᑕᐅᓯᐅᖃᑎᒌᑦᓯᐊᓂ, ᖃᐅᑕᒫᑦ ᐱᕙᓪᓕᓇᑦᓯᐊᑐᓂ ᐊᑑᑎᖃᑦᑕᓗᑕ.

ᐱᓇᓱᐊᕐᓂᕆᖃᑦᑕᓯᒪᔭᒃᑲ ᐱᒍᓐᓇᓯᐅᒥᓚᕿᑦᓱᖓ ᓇᐅᑦᓯᑐᕐᑕᐅᒋᐊᓕᓐᓂ ᕿᒥᕐᕈᑕᐅᑦᓯᐊᒋᐊᓕᓐᓂ, ᐊᐅᓚᑦᓯᓯᐊᕆᐊᖃᕐᓂᒥ, ᐱᓇᓱᐊᕐᑕᑎᓐᓂ ᖃᓄᕐᑑᕈᓐᓇᓂ, ᐃᓂᓪᓚᖓᑦᓯᐊᑐᒥ ᐸᕐᓀᒍᓐᓇᓂ. ᓯᕗᓕᕐᑐ ᖃᖏᓐᓈᖃᑦᑕᕈᓐᓀᓗᓂ ᐊᑦᔨᒌᑦᑎᓯᓂᕐᑕᖃᑦᓯᐊᓗᓂ ᓴᐳᒻᒥᓯᐊᖃᑦᑕᓗᓂ ᐱᑦᓯᐊᓱᑎ ᐱᓇᓱᐊᕐᑐᓂ ᐃᓄᓕᒫᑦ ᐊᑦᑕᓇᕐᑐᒦᑦᑎᑌᓕᓪᓗᒋᑦ ᐱᒍᑦᔨᓯᐊᕐᑎᑕᖃᕐᓗᓂ ᐃᓗᓐᓈᒍ ᐃᓄᖁᑎᒋᔭᐅᔪᓂ.

ᓈᓚᑦᓯᐊᓚᖓᔪᖓ ᐅᖃᐅᓯᑦᓴᓕᓐᓂ ᑐᓵᒍᒪᓂᖃᑦᓯᖓᓱᖓ, ᓴᐳᒻᒥᓗᖓ, ᓴᓂᕋᑦᑎᓂ ᐃᖏᕐᕋᖃᑎᖃᕐᓗᖓ ᐱᔭᕆᐊᑭᑦᑑᖏᑦᑐᓂ. ᐊᓂᒎᑎᒍᓐᓇᓯᐊᕆᐊᑦᑎᓂ ᐅᑉᐱᕆᔭᖃᕋᒪ ᐱᓇᓱᐊᖃᑎᒌᑦᒥᓯᐊᑐᐊᕈᑦᑕ. ᐱᒍᒪᓂᖃᑦᓯᐊᓃᑦ ᑐᕌᒐᒋᔭᒃᑲ; ᐃᓕᒌᑦᑎᓂ, ᐅᒃᑯᐃᖔᖃᑎᒌᓐᓂ, ᐃᓱᒪᓐᓇᓃᑦ, ᓇᓗᕐᖁᑎᖏᑑᓂ ᐅᐱᒋᔭᖃᕐᓂᓗ.

ᐃᓚᑦᔪᒍᓱᓐᓂᕋ,

Interim Chief of Police, Jean-François Bernier